مسلمان ہوں، مندر، گوردوارہ اور چرچ میں سکون ملتا ہے، نشرت بھروچا

ویب ڈیسک

24th Apr, 2025. 03:21 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

مسلمان ہوں، مندر، گوردوارہ اور چرچ میں سکون ملتا ہے، نشرت بھروچا

بالی ووڈ اداکارہ نشرت بھروچا نے کہا ہے کہ مسلمان ہوں لیکن مندر، گوردوارہ اور چرچ میں سکون ملتا ہے۔

نشرت بھروچا نے اپنے ایک حالیہ انٹرویو میں مذہب کے حوالے تنقید کرنے پر ناقدین کو کرارا جواب دیتے ہوئے کہا کہ اُن کے لیے ایمان ایک ذاتی اور سچا تجربہ ہے اور جب غیر معمولی واقعات پیش آتے ہیں تو ان کا ایمان مزید مضبوط ہوتا ہے۔

انہوں نے کہا کہ میں کھلے عام کہتی ہوں کہ میں نماز بھی پڑھتی ہوں اور اگر وقت ملے تو پانچ وقت پڑھتی ہوں، مجھے جہاں سکون ملے، چاہے وہ مندر ہو، گوردوارہ ہو یا چرچ، میں وہاں جاتی ہوں۔

نشرت بھروچا نے بتایا کہ جب میں اپنی تصاویر پوسٹ کرتی ہوں تو لوگ کہتے ہیں یہ کیسی مسلمان ہے، اس کے کپڑے دیکھو لیکن ایسی باتیں میرے راستے کو نہیں بدل سکتیں، میں مندر بھی جاؤں گی اور نماز بھی پڑھوں گی۔

اداکارہ نے مزید کہا کہ وہ ایک خدا پر ایمان رکھتی ہیں اور مختلف راستوں سے اُس سے جُڑنے کی خواہش رکھتی ہیں۔