62 سالہ ہالی ووڈ اداکارہ دنیا کی خوبصورت ترین خاتون بن گئیں

ویب ڈیسک

25th Apr, 2025. 12:31 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

62 سالہ ہالی ووڈ اداکارہ دنیا کی خوبصورت ترین خاتون بن گئیں

62 سالہ ہالی ووڈ اداکارہ ڈییمی مور 2025 کی دنیا کی خوبصورت ترین خاتون بن گئی ہیں۔

غیر ملکی میڈیا رپورٹ کے مطابق ہالی ووڈ کی مشہور اداکارہ ڈییمی مور کو پیپل میگزین کی جانب سے 2025 کی ’’دنیا کی خوبصورت ترین شخصیت‘‘ کا اعزاز دیا گیا ہے

62 سالہ اداکارہ نے اس اعزاز کو حاصل کر کے عمر سے متعلق خوبصورتی کے روایتی معیاروں کو چیلنج کیا ہے۔

اس موقع پر ڈییمی مور نے اپنے ایک انٹرویو میں عمر رسیدگی، خوبصورتی اور خود کو قبول کرنے کے بارے میں کھل کر بات کی۔

انہوں نے کہا کہ وہ اپنے عمر کے مطابق اپنے خدوخال کی زیادہ قدر کرتی ہیں اور اگرچہ کبھی کبھار آئینے وہ خود کو دیکھ کر عمر رسیدہ محسوس کرتی ہیں، تاہم اپنی صحت اور فٹنس پر توجہ مرکوز رکھتی ہیں۔

ڈییمی مور نے اپنی جوانی کے دور کو یاد کرتے ہوئے کہا کہ اُس وقت صرف جسمانی خوبصورتی کو اہمیت دی جاتی تھی لیکن اب وہ صحت، ذہنی سکون اور زندگی کے معیار کو زیادہ اہم سمجھتی ہیں۔

62 سالہ اداکارہ کی زندگی اور خیالات میں وقت کے ساتھ بڑی تبدیلی آئی ہے اور آج وہ صرف خوبصورت نہیں بلکہ باہمت، پُرعزم اور متاثر کن شخصیت کی مالک بن چکی ہیں۔