پاکستان شوبز انڈسٹری کی معروف اداکارہ جڑواں بہنیں ایمن اور منال خان کا بھائی کی مایوں پر دلکش انداز مداحوں کو بھا گیا۔

شوبز کی جڑواں خوبصورت پاکستانی اداکارائیں ایمن اور منال خان ان دنوں اپنے پیارے بھائی معاذ خان کی شادی کی تقریبات میں مصروف ہیں، جہاں ان کے اہل خانہ، قریبی دوست اور رشتہ دار بھی موجود ہیں۔

معاذ خان کا نکاح گزشتہ برس صبا کے ساتھ ایک سادہ اور نجی تقریب میں ہوا تھا اور اب ان کی مایوں کی خوبصورت تقریب کراچی میں منعقد ہوئی۔

گزشتہ روز مایوں کی تقریب میں ایمن خان نے ایک خوبصورت نیلے رنگ کا رسمی لباس پہنا تھا جو کاپر اور سنہری کام سے سجا ہوا تھا، ان کے اس انداز نے سوشل میڈیا پر دھوم مچادی۔

دوسری جانب منال خان نے تقریب کے لیے گلابی اور سنہری جوڑا زیب تن کیا، جس میں وہ نہایت دلکش دکھائی دے رہی تھیں۔

دولہا معاذ خان نے سفید روایتی کُرتا شلوار پہنا جبکہ دُلہن صبا نے آتشی گلابی اور نیلے رنگ کے امتزاج سے تیار کردہ خوبصورت لباس کا انتخاب کیا، جو ان کے ذاتی برانڈ MK Wears کی تخلیق تھا۔

سوشل میڈیا پر ان لمحات کی تصاویر اور ویڈیوز تیزی سے وائرل ہو رہی ہیں، مداح اس خوبصورت جوڑی کے لیے نیک تمناؤں کا اظہار کر رہے ہیں اور شادی کی دیگر تقریبات کے منتظر ہیں۔