پاکستانی شوبز انڈسٹری کی مقبول اداکارہ ماہرہ خان نے اپنی نئی فلم ’’لَو گورو‘‘ کی پروموشن کے دوران اپنا نیا اسٹائلش انداز مداحوں کے ساتھ شیئر کیا جو دیکھتے ہی دیکھتے سوشل میڈیا پر وائرل ہوگیا۔

ماہرہ خان نہ صرف اپنی جاندار اداکاری کے لیے مشہور ہیں بلکہ ان کا منفرد فیشن اسٹائل بھی مداحوں کی توجہ کا مرکز بنتا ہے۔

ماضی میں ڈرامہ ’’ہمسفر‘‘ میں ان کے لانگ فراکس نے نیا ٹرینڈ متعارف کرایا جب کہ ان کی شادی کی تمام تقاریب میں منتخب کیے گئے فیشن لُکس بھی خاصی پذیرائی حاصل کرچکے ہیں۔

عید الاضحیٰ پر ریلیز ہونے والی فلم ’’لَو گورو‘‘ کی تشہیر کے دوران ماہرہ خان ہر تقریب میں نیا روپ اپنائے نظر آتی ہیں۔

حالیہ پوسٹ میں انہوں نے انسٹاگرام پر اپنے ڈینم لُک کی تصاویر شیئر کیں جس میں وہ بغیر آستین والی ڈینم جیکٹ کے ساتھ وائڈ لیگ ڈینم پینٹ پہنے دکھائی دے رہی ہیں۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Mahira Khan (@mahirahkhan)

یہ خوبصورت ڈینم آؤٹ فٹ پاکستانی فیشن برانڈ ’’راستہ‘‘ کا تیار کردہ ہے۔ برانڈ کی آفیشل ویب سائٹ کے مطابق جیکٹ کی قیمت 32,400 روپے جب کہ پینٹ کی قیمت 23,400 روپے ہے۔

اپنے لُک کو مکمل کرنے کے لیے ماہرہ خان نے سلور ہاتھ کا پنجہ زیب تن کیا اور اپنے بال کھلے رکھے جس سے ان کی سادگی میں مزید نکھار آگیا۔

مداحوں نے ان کے اس منفرد انداز کو بے حد سراہا اور سوشل میڈیا پر ان کے اس فیشن لُک کو حسین ترین قرار دیا۔