کیا عائزہ خان اور دانش تیمور شوبز کو خیرباد کہنے والے ہیں؟

ویب ڈیسک

22nd Jun, 2025. 12:52 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کیا عائزہ خان اور دانش تیمور شوبز کو خیرباد کہنے والے ہیں؟

پاکستان کی مشہور و مقبول اداکار جوڑی عائزہ خان اور دانش تیمور نے مستقبل میں شوبز انڈسٹری اور سوشل میڈیا سے مکمل کنارہ کشی کا عندیہ دے دیا ہے، جس پر ان کے مداح حیرت اور جذباتی ردعمل کا اظہار کر رہے ہیں۔

حال ہی میں ایک انٹرویو کے دوران عائزہ خان سے سوال کیا گیا کہ اگر انہیں اپنی پسند کی کسی جگہ جانے اور سب کچھ چھوڑنے کا موقع ملے تو وہ کہاں جائیں گی اور کیوں؟

اس سوال کے جواب میں اداکارہ نے کہا کہ ایک دن آئے گا جب میں اور دانش نہ صرف اسکرین سے بلکہ سوشل میڈیا سے بھی مکمل طور پر غائب ہو جائیں گے اور ہم دونوں سوئٹزرلینڈ چلے جائیں گے۔

مزید پڑھیں: عائزہ خان نے صارفین کو سوشل میڈیا کے خطرات سے خبردار کردیا

ان کے اس غیر متوقع انکشاف نے شائقین کو چونکا دیا، سوشل میڈیا پر کئی مداحوں نے اس بیان پر ردعمل دیتے ہوئے کہا کہ ایسا نہ کیجیے گا، کم از کم ہمیں بتا کر جائیے گا!

ایک اور صارف نے لکھا کہ آپ دونوں کے بغیر شوبز ادھورا لگے گا جبکہ کچھ صارفین نے طنزیہ انداز میں کہا کہ کبھی کیوں؟ ابھی کیوں نہیں!

واضح رہے کہ فی الحال، دونوں اداکار متعدد پروجیکٹس میں مصروف ہیں لیکن ان کے اس انکشاف نے مستقبل کے حوالے سے مداحوں کے ذہنوں میں کئی سوالات پیدا کردیے ہیں۔