پاکستان شوبز کی سینئر اداکارہ اسما عباس نے اپنے اسکن ٹریٹمنٹ کے ایک ناخوشگوار تجربے کو مداحوں کے ساتھ شیئر کیا ہے۔

سینئر اداکارہ اسما عباس نے جلدی علاج کے ایک تجربے کے باعث چہرے پر ہونے والی شدید الرجی اور خارش کے بارے میں مداحوں کو آگاہ کیا اور انہیں محتاط رہنے کا مشورہ دیا ہے۔

اسما عباس نے سوشل میڈیا پر ایک ویڈیو پیغام میں بتایا کہ ان کے چہرے پر جھائیاں (فریکلز) قدرتی طور پر موجود تھیں، جو ان کے خاندان میں وراثتی طور پر آتی ہیں۔

 ان کا کہنا تھا کہ ایک ڈاکٹر نے مجھے جھائیوں کے خاتمے کے لیے کاؤٹری (cauterization) کا مشورہ دیا، ایک ایسا علاج جس میں جلد کی سطح کو ہلکا سا جلا کر نشانات کو ختم کیا جاتا ہے۔

اداکارہ نے بتایا کہ علاج کے بعد سب کچھ نارمل لگ رہا تھا لیکن اسی رات جب میں اپنی بیٹی اور بہو کے ساتھ تھی تو میں نے ایک فیس ماسک استعمال کیا جو میری جلد کے لیے نقصان دہ ثابت ہوا۔

 

Advertisement

Advertisement

View this post on Instagram

Advertisement

Advertisement

Advertisement

Advertisement

 

A post shared by Galaxy Lollywood (@galaxylollywood)

انہوں نے کہا کہ ماسک کے چند گھنٹوں بعد میرے چہرے پر شدید الرجی، خارش اور سرخی نمودار ہوگئی، اب میں ادویات استعمال کر رہی ہوں اور ڈاکٹرز کا کہنا ہے کہ مکمل صحتیابی میں وقت لگے گا۔

اسما عباس نے اپنے مداحوں سے دعا کی اپیل کرتے ہوئے کہا کہ میں یہ سب اس لیے بتا رہی ہوں تاکہ دوسرے لوگ محتاط رہیں، جلد کی حساسیت کو نظر انداز نہ کریں، خاص طور پر کسی بھی طبی علاج یا کاسمیٹک پراڈکٹ کے استعمال کے بعد۔

واضح رہے کہ اداکارہ کا یہ پیغام ان تمام افراد کے لیے ہے جو جلدی مسائل کے علاج یا خوبصورتی کے متبادل طریقوں کو آزمانے کے خواہشمند ہوتے ہیں، تاہم کسی بھی تجربے سے پہلے مکمل تحقیق اور ماہرین سے مشورہ ضرور لیں۔