پاکستان کی معروف سوشل میڈیا اسٹار اور ڈیجیٹل کریئیٹر ربیکا خان کی شادی کی تقریبات کا باقاعدہ آغاز ہو چکا ہے۔

 حسین ترین کے ساتھ منگنی کے بعد اب یہ مقبول جوڑی رشتۂ ازدواج میں بندھنے جارہی ہے، جس کی شروعات گزشتہ شب ایک رنگا رنگ ڈھولکی سے ہوئی جبکہ آج ان کا مایوں نہایت خوبصورتی سے منایا جا رہا ہے۔

مایوں کی تقریب میں ربیکا خان نے پیلے رنگ کا روایتی لباس زیب تن کیا، جو چمکدار چاندی کی نفیس کڑھائی، سیکوئن اور شیشے کے کام سے مزین تھا۔

Advertisement

 

Advertisement

View this post on Instagram

Advertisement

Advertisement

Advertisement

Advertisement

 

A post shared by Rabeeca Khan (@rabeecakhan)

Advertisement

اس کے علاوہ گلے اور آستینوں پر کی گئی خوبصورت ایمبرائڈری نے ان کے لباس کی شان میں اضافہ کیا، لباس کا ہلکا پھلکا اور فیبرک، جسے شیفون یا جارجٹ کہا جا سکتا ہے، اس کی خوبصورتی کو چار چاند لگا رہا تھا۔

انہوں نے اپنا انداز مکمل کرنے کے لیے سفید پھولوں کے زیورات کا انتخاب کیا، جن میں بالوں میں گجرے، ہاتھوں میں کنگن اور ایک خوبصورت پھولوں سے سجی چوٹی شامل تھی، جو ان کی خوبصورتی کو مزید نکھار رہی تھی۔

دوسری جانب حسین ترین نے سفید اور پیلے رنگ کے امتزاج میں تیار کردہ روایتی کڑھائی دار کُرتا اور کولوٹ اسٹائل پاجامہ زیب تن کیا، جو مایوں کی تقریب کے لیے ایک جدید مگر ثقافتی انتخاب تھا۔

مداحوں کی نظریں اس جوڑی کی شادی کی مزید تقریبات پر مرکوز ہیں اور ان کے مداح بے تابی سے باقی ایونٹس کی جھلکیاں دیکھنے کے منتظر ہیں۔

واضح رہے کہ ربیکا خان، جن کے انسٹاگرام پر 60 لاکھ سے زائد فالوورز اور یوٹیوب پر 28.6 لاکھ سبسکرائبرز ہیں، یہ نہ صرف اپنی ویڈیوز بلکہ اپنی دلکش شخصیت اور منفرد انداز کی وجہ سے نوجوانوں میں بےحد مقبول ہیں۔