اسلام آباد: اسلام آباد کی مقامی عدالت نے ٹک ٹاکر ثناء یوسف کے قتل کیس میں گرفتار مرکزی ملزم عمر حیات کو جوڈیشل ریمانڈ پر جیل بھیجنے کا حکم دے دیا۔
ڈسٹرکٹ اینڈ سیشن کورٹ اسلام آباد میں کیس کی سماعت جوڈیشل مجسٹریٹ محمد حفیظ نے کی، جہاں پولیس نے تین روزہ جسمانی ریمانڈ مکمل ہونے پر ملزم عمرحیات کو عدالت میں پیش کیا۔
سماعت کے دوران پراسیکیوشن کی جانب سے مزید جسمانی ریمانڈ کی استدعا نہیں کی گئی جس پر عدالت نے عمر حیات کو جوڈیشل ریمانڈ پر جیل منتقل کرنے کا حکم سنا دیا۔
Advertisement
یہ بھی پڑھیں: ثنا یوسف کے لرزہ خیز قتل پر ثانیہ سعید آبدیدہ، خواتین کے تحفظ پر سوالات اٹھادیے
دورانِ سماعت ملزم کے وکلا نے عدالت کو بتایا کہ کیس کو میڈیا میں غیر معمولی طور پر اچھالا جارہا ہے جس کے باعث ملزم کو والدین سے ملاقات کی اجازت نہیں دی جا رہی۔
وکیلِ صفائی نے مؤقف اپنایا کہ والدین سے ملاقات ملزم کا قانونی اور انسانی حق ہے جسے سلب نہیں کیا جانا چاہیے۔
عدالت نے فریقین کے دلائل سننے کے بعد پولیس کی ریمانڈ نہ لینے کی بنیاد پر عمر حیات کو جیل بھجوانے کا فیصلہ دیا۔
Advertisement
یاد رہے کہ ٹک ٹاکر ثناء یوسف کی ہلاکت کے بعد اس مقدمے کو میڈیا اور سوشل میڈیا پر بھرپور توجہ حاصل ہے جب کہ کیس کی مزید تفتیش جاری ہے۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
Advertisement
