’’تحفہ نہیں لیا اور ملاقات سے بھی انکار کیا‘‘، ثناء یوسف کے قاتل کا مکمل اعترافی بیان

ویب ڈیسک

24th Jun, 2025. 09:00 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

’’تحفہ نہیں لیا اور ملاقات سے بھی انکار کیا‘‘، ثناء یوسف کے قاتل کا مکمل اعترافی بیان

اسلام آباد: مشہور ٹک ٹاکر ثناء یوسف کے قتل کے کیس میں اہم پیش رفت سامنے آئی ہے، جہاں ملزم عمر حیات نے مبینہ طور پر مقامی عدالت میں قتل کا اعتراف کرلیا ہے۔

ذرائع کے مطابق ملزم عمر حیات نے جوڈیشل مجسٹریٹ سعد نذیر کے سامنے دفعہ 164 کے تحت اپنا بیان ریکارڈ کراتے ہوئے اعتراف کیا کہ اس نے غصے میں آکر ثناء یوسف کو قتل کیا ہے۔

ذرائع کا کہنا ہے کہ ملزم نے اپنے بیان میں بتایا ’’میں نے ثناء یوسف سے پہلی مرتبہ ملاقات کے لیے رابطہ کیا، اس دن سارا دن انتظار کیا لیکن وہ نہیں ملی اور اس نے مجھے واپس جانے کو کہا‘‘۔

یہ بھی پڑھیں: ’’غبارے کے پھٹنے جیسی آواز تھی‘‘، ثناء یوسف کی پھوپھو نے کیا دیکھا؟

ملزم نے مزید کہا ’’میں اس کی سالگرہ پر ایک تحفہ بھی لایا تھا لیکن اس نے لینے سے انکار کردیا۔ اس کے انکار سے مجھے سخت صدمہ ہوا‘‘۔

بیان میں ملزم عمر حیات نے انکشاف کیا کہ 2 جون کو ثناء یوسف نے دوبارہ ملاقات کے لیے بلایا لیکن پھر بھی نہیں ملی۔ ان تمام رویوں سے دل برداشتہ ہوکر غصے میں آکر اس کے گھر گیا اور اسے قتل کردیا۔

واضح رہے کہ پولیس کی تاحال تفتیش جاری ہے جب کہ ملزم کو جوڈیشل ریمانڈ پر جیل بھیجا جاچکا ہے۔ ذرائع کے مطابق مزید قانونی کارروائی بیان کے بعد آگے بڑھائی جائے گی۔