پاکستانی اداکار عثمان مختار ایک بار پھر سوشل میڈیا پر موضوعِ گفتگو بن گئے، جہاں دوست کی شادی میں شریک ہونے کی ان کی تازہ تصاویر اور ویڈیوز نے مداحوں کی توجہ حاصل کر لی۔

وائرل ویڈیوز میں عثمان مختار کو سیاہ کرتا شلوار اور شال میں دیکھا گیا، تاہم مداحوں کی نظر ان کے بڑھے ہوئے وزن اور آہستہ ڈانس پر جا ٹھہری۔

 سوشل میڈیا پر متعدد صارفین نے ان کے وزن پر طنز کیا جبکہ کچھ نے انہیں اپنا خیال رکھنے کا مشورہ دیا۔

ایک صارف نے تبصرہ کیا کہ “عثمان مختار تو پہچانے نہیں جارہے، وزن کم کریں تو بہتر لگیں گے”، جبکہ کچھ صارفین نے ان کے لیے مثبت رویہ اپناتے ہوئے کہا کہ اداکاری وزن سے نہیں، ٹیلنٹ سے ہوتی ہے۔

سوشل میڈیا پر تنقید کے باوجود مداحوں کی بڑی تعداد نے اداکار کے حق میں آواز بلند کرتے ہوئے کہا کہ عثمان مختار کی اداکاری اُن کی اصل شناخت ہے، جس پر جسمانی تبدیلیوں کا کوئی اثر نہیں پڑتا۔