بھارت کی نامور ماڈل اور ٹی وی اداکارہ مونی رائے دبئی کے بزنس مین سورج جین کے ساتھ ملیالی رسم و رواج کے تحت ازدواجی رشتے میں بندھ گئیں ہیں۔
رپورٹس کے مطابق گزشتہ روز اداکارہ کی شادی کی تقریبات کا آغاز ہوا تھا جو کہ گوا میں منعقد کی گئی ہے۔
مونی رائے کی شادی میں ان کے گھروالوں کے علاوہ تمام تر قریبی دوستوں کو مدعو کیا گیا ہے جن کی تصاویر اور ویڈیوز سوشل میڈیا پر دیکھی جاسکتی ہیں۔
خیال رہے کہ اداکارہ مونی رائے ایک بنگالی فیملی سے تعلق رکھتی ہیں جبکہ سورج کا تعلق ملیالی فیملی سے ہے اسی لئے ان کی شادی دونوں گھرانوں کی رسم و رواج کے تحت ہورہی ہے۔
رپورٹس کے مطابق آج شام میں یہ جوڑا بنگالی رسم و رواج کے تحت بھی شادی کریگا ۔