گزشتہ ماہ جون کے آخر میں نکاح کے بندھن میں بندھنے والے مشہور سوشل میڈیا اسٹارز اور کانٹینٹ کریئیٹرز ربیکا خان اور حسین ترین کی نکاح کی تقریبات پر 1.5 کروڑ روپے خرچ ہونے کا انکشاف ہوا ہے۔
نکاح کی تقریبات کے دوران دونوں نے اپنی مایوں اور ڈھولکی سمیت مختلف رسومات کی تصاویر اور ویڈیوز سوشل میڈیا پر شیئر کیں، جو خاصی وائرل ہوئیں۔
اس موقع پر حسین ترین نے اپنے نئے ولاگ میں اپنی نکاح کی تقریبات سے متعلق دلچسپ دعوے کیے۔
حسین ترین نے کہا کہ انہوں نے اپنی خوبصورتی میں اضافہ کرنے کے لیے زیادہ پروسیجرز یا میک اپ نہیں کروایا بلکہ قدرتی انداز کو ترجیح دی۔
انہوں نے بتایا کہ آنکھوں میں لگائے گئے لینسز بھی دو ہزار روپے کے تھے، جو ان کے مطابق بالکل معمولی خرچ تھا۔
ٹک ٹاکر نے کہا کہ لوگوں نے ان کے میک اپ اور لینسز پر سخت تنقید کی، جو انہیں دکھ پہنچاتی ہے، خاص طور پر جب انہوں نے تقریب میں مجموعی طور پر ڈیڑھ کروڑ روپے خرچ کیے ہیں۔
انہوں نے کہا کہ جو لوگ دو ہزار روپے کے لینسز پر تنقید کر رہے ہیں، انہیں میری تقریب پر خرچ کی گئی ڈیڑھ کروڑ روپے کی رقم نظر نہیں آتی۔
حسین ترین نے سوشل میڈیا صارفین سے اپیل کی کہ انہیں مزید ٹرول کرنا بند کیا جائے اور اپنی زندگی اپنی مرضی سے جینے کی اجازت دی جائے۔
آخر میں حسین ترین نے ولاگ میں اپنے آپ کو ایک شریف اور نیک بندہ قرار دیتے ہوئے کہا کہ وہ سوشل میڈیا کی منفی باتوں سے متاثر نہیں ہونا چاہتے۔