اپنی بے باک شخصیت اور صاف گوئی کے باعث شہرت رکھنے والی میزبان متھیرا کی ایک نئی ویڈیو نے سوشل میڈیا پر توجہ حاصل کر لی ہے۔
حال ہی میں متھیرا ایک فیشن شو کے ریمپ پر جلوہ گر ہوئیں، جہاں انہوں نے شادیوں کے سیزن کی تھیم کے مطابق تیار کیا گیا سلک کا مشرقی لباس زیب تن کیا۔ چونکہ متھیرا پیشہ ور ماڈل نہیں ہیں، اس لیے ان کی ریمپ واک پر صارفین کی جانب سے مختلف تبصرے سامنے آئے۔
ویڈیو وائرل ہونے کے بعد سوشل میڈیا پر ملا جلا مگر زیادہ تر تنقیدی ردِعمل دیکھنے میں آیا۔ کچھ صارفین نے ان کے وزن اور واک کے انداز پر سوالات اٹھائے جبکہ کچھ نے ان کے اعتماد، ہمت اور نئے تجربات آزمانے کی کوشش کو سراہا۔
چند صارفین کی جانب سے سخت تبصرے بھی کیے گئے جن میں ان کے اسٹائل اور مجموعی پرفارمنس پر اعتراضات شامل تھے۔
دوسری جانب کچھ صارفین کا کہنا تھا کہ ایک غیرپیشہ ور شخصیت کے طور پر متھیرا نے ریمپ پر آنے کا حوصلہ دکھایا، جو قابلِ تعریف ہے۔
متھیرا کی یہ ریمپ واک سوشل میڈیا پر مسلسل زیرِ بحث ہے، جہاں ان پر تنقید کے ساتھ ساتھ حمایت کے تبصرے بھی جاری ہیں۔
مزید پڑھیں: متھیرا کی جم میں ورزش کرتے ہوئے ویڈیو وائرل