Tue, 21-Oct-2025

تازہ ترین خبریں:

سالگرہ پر سرپرائز! کیا مومنہ اقبال نے منگنی کرلی؟ مداح خوشگوار حیرت میں مبتلا

مومنہ اقبال کی سالگرہ کی تصاویر نے مداحوں کو تجسس میں مبتلا کردیا۔

پاکستان شوبز انڈسٹری کی معروف اداکارہ مومنہ اقبال نے اپنی سالگرہ کی تقریب کی تصاویر سوشل میڈیا پر شیئر کرکے مداحوں میں ہلچل مچا دی۔

 اداکارہ کی جانب سے پوسٹ کی گئی چند تصاویر میں وہ ایک نامعلوم شخص کا ہاتھ تھامے نظر آئیں، جس نے چہرہ چھپا رکھا تھا جبکہ ان کے ہاتھ میں ایک انگوٹھی بھی واضح طور پر دیکھی جاسکتی ہے، جس نے مداحوں کو اس تجسس میں ڈال دیا ہے کہ شاید انکی منگنی ہوگئی ہے۔
Is Momina Iqbal Engaged

مومنہ اقبال نے اپنی پوسٹ میں تقریب کے انعقاد پر فیملی کے ساتھ کسی ’خاص شخص‘ کا خصوصی شکریہ بھی ادا کیا، تاہم اس شخصیت کے بارے میں کوئی تفصیل نہیں بتائی، اسی وجہ سے شائقین مختلف اندازے لگا رہے ہیں اور تبصروں میں اداکارہ سے وضاحت کا مطالبہ بھی کررہے ہیں۔

 

View this post on Instagram

 

A post shared by Momina Iqbal (@momina.iqbal)

اداکارہ کی سالگرہ کی تقریب ان کی رہائش گاہ پر منعقد ہوئی، جس میں قریبی رشتہ داروں نے شرکت کی۔ تقریب میں مومنہ نے سفید رنگ کا خوبصورت جوڑا پہن رکھا تھا، جو مداحوں کی توجہ کا مرکز بنا رہا۔

مزید پڑھیں: مومنہ اقبال نے شوبز انڈسٹری میں شادی نہ کرنے کی وجہ بتادی