بھارت نے پاکستانی ڈراموں پر غیر اعلانیہ پابندی عائد کرتے ہوئے انہیں نیٹ فلکس پر بلاک کرنا شروع کردیا ہے۔
اس حوالے سے اداکار و گلوکار فرحان سعید نے دعویٰ کیا ہے کہ بھارتی حکام پاکستانی مواد کی بڑھتی ہوئی مقبولیت سے خوفزدہ ہیں۔
فرحان سعید کے مطابق بھارتی پلیٹ فارمز پر پاکستانی ڈراموں کی بڑی مانگ موجود ہے اور یہی وجہ ہے کہ بھارت کو خدشہ ہے کہ پاکستانی مواد خطے میں نمایاں مقام حاصل کر لے گا۔
View this post on Instagram
انہوں نے مزید کہا کہ پاکستان کو عالمی اسٹریمنگ پلیٹ فارمز پر اپنی موجودگی بڑھانے کی ضرورت ہے کیونکہ نئی نسل مقامی ڈراموں کو بہت پسند کرتی ہے اور سرحد پار ناظرین بھی پاکستانی سیریلز کو تلاش کرتے ہیں کیونکہ وہ انہیں معیاری سمجھتے ہیں۔
قابلِ ذکر بات یہ ہے کہ بھارتی ناظرین پاکستانی ڈراموں کو نہایت پسندیدگی کی نظر سے دیکھتے ہیں اور وہاں ان کی مستقل پیروی کی جاتی ہے۔
مزید پڑھیں: نیٹ فلکس کی پہلی پاکستانی سیریز ’جو بچے ہیں سنگ سمیٹ لو‘ کی ریلیز مؤخر
بھارت کے متعدد معروف اداکار اور انڈسٹری سے وابستہ شخصیات کئی بار پاکستانی ڈراموں کے معیار اور کہانیوں کی تعریف کر چکے ہیں بلکہ کچھ نے تو اپنے پروڈکشن ہاؤسز کو بھی اسی طرز کی کہانیاں بنانے کی ترغیب دی ہے۔
