پاکستان کی صفِ اول کی اداکارہ عائزہ خان کو امریکی گلوکارہ لیڈی گاگا کے پیرس کنسرٹ میں شرکت کے بعد سوشل میڈیا پر تنقید اور تعریف، دونوں کا سامنا کرنا پڑ رہا ہے۔
عائزہ خان ان دنوں فرانس میں موجود ہیں اور اپنے سفر کے یادگار لمحات مداحوں کے ساتھ شیئر کر رہی ہیں۔
حال ہی میں اداکارہ نے لیڈی گاگا کے کنسرٹ میں شرکت کی تصاویر اور ویڈیوز انسٹاگرام پر پوسٹ کیں، جن میں وہ ایک نئے گوتھ لُک میں نظر آئیں۔
اپنی پوسٹ میں عائزہ نے لکھا کہ میں اور پیرس میں میرا چھوٹا سا گینگ! یہ میرے پیاروں کے لیے ایک وی آئی پی ٹریٹ تھا۔ کنسرٹ کے دوران میرا دل دو بار تیزی سے دھڑکا، ایک بار اسٹیج کے قریب ہونے پر اور دوسری بار جب لیڈی گاگا نے میری طرف دیکھا۔ کبھی کبھی کسی کا مداح بننے میں بھی بہت لطف آتا ہے۔
انہوں نے مزید کہا کہ اس تجربے نے انہیں اپنے مداحوں کی محبت کو پہلے سے کہیں زیادہ سمجھنے اور سراہنے میں مدد دی ہے۔
اداکارہ کی پوسٹس وائرل ہونے کے بعد سوشل میڈیا پر مخلوط ردِعمل دیکھنے میں آیا۔ کچھ صارفین نے ان کے کنسرٹ میں شرکت اور نئے لُک کو تنقید کا نشانہ بنایا جبکہ بہت سے مداحوں نے ان کے انداز اور اعتماد کی تعریف کی۔
عائزہ کے گوتھ میک اوور پر چند صارفین نے مزاحیہ انداز میں سوال اٹھایا کہ کیا انہوں نے ”الیومیناٹی جوائن کرلی“؟ تاہم گوتھ لک کو ہمارے معاشرے میں شیطانی روپ بھی مانا جاتا ہے اور اسے الیومناٹی سے منسوب کیا جاتا ہے۔
مزید پڑھیں: کیا عائزہ خان اور دانش تیمور شوبز کو خیرباد کہنے والے ہیں؟