پاکستانی اداکارہ و ماڈل سونیا حسین نے ماسکو میں منعقد ہونے والے ’’یوریشین اوپن ایوارڈ ڈائمنڈ بٹر فلائی‘‘ میں سب کو پیچھے چھوڑتے ہوئے بیسٹ سپورٹنگ ایکٹریس کا عالمی ایوارڈ اپنے نام کرلیا۔
سونیا حسین کو یہ اعزاز ’فلم دیمک‘ میں ان کی شاندار کارکردگی پر دیا گیا، جسے بین الاقوامی جیوری نے فنی مہارت، جذباتی گہرائی اور حقیقت کے قریب کردار نگاری کے باعث خصوصی طور پر سراہا۔
ایوارڈ تقریب میں 17 ممالک کی 34 فلمیں شامل تھیں، جن میں پاکستان کی 2 فلمیں دیمک اور لوو گرو بھی مقابلے کا حصہ تھیں۔
سونیا حسین نے اپنے انسٹاگرام پر تقریب کی تصاویر اور ویڈیوز شیئر کرتے ہوئے مداحوں کے ساتھ اس کامیابی کی خوشی بھی بانٹی۔
ایوارڈ کے منتظمین کے مطابق اس سال عالمی شرکت میں نمایاں اضافہ دیکھنے میں آیا جبکہ پاکستانی فلموں کی موجودگی جنوبی ایشیائی سینما کی بڑھتی ہوئی عالمی اہمیت اور پذیرائی کی عکاس ہے۔
مزید پڑھیں: انڈسٹری میں جو کام کرنا جانتا ہے وہ اپنی جگہ بنا سکتا ہے، سونیا حسین