کلیجی بنانے کی یہ آسان ترکیب جانیے!

ویب ڈیسک

05th Nov, 2024. 03:26 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کلیجی بنانے کی یہ آسان ترکیب جانیے!

آج ہم آپکو کلیجی بنانے کی نہایت ہی آسان سی ترکیب بتائیں گے۔

اجزاء

کلیجی 500 گرام، پیاز 2 عدد باریک کٹی ہوئی، ٹماٹر 2 عدد باریک کٹے ہوئے، ادرک 1 انچ کا ٹکڑا، لہسن 4، 5 جوئے، ہری مرچ 2، 3 عدد، دھنیا پاؤڈر 1 چمچ، زیرہ پاؤڈر ایک چمچ، لال مرچ پاؤڈر 1 چمچ حسب ذائقہ، ہلدی پاؤڈر ایک چوتھائی چمچ، گرم مصالحہ ½ چمچ، نمک حسب ذائقہ، تیل 4 ، 5 چمچ، ہرا دھنیا سجاوٹ کے لیے۔

ترکیب

ایک کڑاہی میں تیل گرم کریں، اس میں باریک کٹی ہوئی پیاز ڈالیں اور سنہری ہونے تک بھونیں۔ اس کے بعد ادرک اور لہسن ڈالیں اور خوشبو آنے تک بھونیں۔

پھر باریک کٹے ہوئے ٹماٹر ڈالیں اور اچھی طرح پکنے دیں، یہاں تک کہ ٹماٹر نرم ہو جائیں۔

دھنیا پاؤڈر، زیرہ پاؤڈر، لال مرچ پاؤڈر، ہلدی پاؤڈر، اور نمک ڈالیں۔ اچھی طرح مکس کریں اور چند منٹ پکنے دیں۔

اب کلیجی شامل کریں اور اچھی طرح مکس کریں۔

ڈھکن ڈھانپ کر درمیانی آنچ پر پکنے دیں، کلیجی کو زیادہ پکانا نہیں ہے، ورنہ وہ سخت ہو سکتی ہیں۔

جب کلیجی پک جائے اور تیل اوپر آجائے تو گرم مصالحہ اور ہری مرچ شامل کریں۔

آخر میں ہرا دھنیا چھڑکیں اور گرم گرم روٹی کے ساتھ پیش کریں۔