کراچی: نارتھ ناظم آباد کے رہائشی گٹر کا پانی پینے پر مجبور
کراچی واٹر اینڈ سیورج بورڈ کی نا اہلی اور مجرمانہ غفلت کی وجہ سے نارتھ ناظم آباد بلاک ایف کے رہائشیوں کی زندگی ا جیرن ہو گئی ہے۔
بلاک ایف کے رہا ئشیوں نے بتایا کہ پچھلے گزشتہ ایک مہینے سے کرن اسٹریٹ، علی اسٹریٹ اور یونس خان اسٹریٹ میں پینے کے پانی کی لا ئنوں میں بھی گٹر کا پانی آرہاہے۔
اس سلسلے میں مقامی لوگ اپنا مسئلہ کئی مرتبہ واٹر بورڈ کی مقامی انتظامیہ کی توجہ میں لا چکے ہیں مگر ان کی بے حسی نے شہریوں کو ذہنی اور جسمانی اذیت میں مبتلا کر دیاہے۔
مقامی لوگوں نے کراچی واٹر اینڈ سیورج بورڈ کے منیجنگ ڈائریکٹر کے نام درخواست میں مطالبہ کیا ہے کہ واٹر بورڈ نارتھ نا ظم آباد کے عملے کو عوام کے مسا ئل حل کرنے کیلئے پابند کیا جائے کیونکہ پانی کی لائنوں میں گٹر کے پانی کی وجہ سے لوگ پیٹ کے امراض میں مبتلاہورہے ہیں اور لوگ مجبوراً واٹر ٹینکروں سے پانی خریدنے پر مجبور ہیں۔
شہریوں نے کہاہے کہ اگر واٹر بورڈ کے حکام نے ان کا پانی کا مسئلہ حل نہیں کیا تو واٹر بورڈ کے دفاتر کے باہر شدید احتجاج کیا جائے گا۔
Advertisement
Advertisement
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News
1 کومنٹس اس آرٹیکل پر
کومنٹس کریں
Advertisement
