پنجاب کے بڑے سرکاری اسپتالوں میں ڈاکٹرز، نرسز اور پیرا میڈیکل اسٹاف پر مشتمل گرینڈ ہیلتھ الائنس کی کام چھوڑ ہڑتال جاری ہے۔
تفصیلات کے مطابق حکومت کی جانب سے گرینڈ ہیلتھ الائنس سرکاری اسپتالوں کی نجکاری کے خلاف سراپا احتجاج ہے،صوبہ بھر کے تمام بڑے سرکاری اسپتالوں میں آؤٹ ڈور، آپریشن تھیٹرز، ریڈیالوجی اور پیتھالوجی سمیت تمام الیکٹیو سروسز معطل ہیں جبکہ علاج معالجہ کی سہولیات نہ ملنے سے مریضوں کوشدید مشکلات کا سامنا ہے۔
گرینڈ ہیلتھ الائنس کے ترجمان کا کہنا ہے کہ آج سے الیکٹیو سروسز معطلی کے ساتھ ساتھ پنجاب بھر کی تمام بڑی شاہراہوں پر احتجاج کیا جائے گا،طے شدہ شیڈول کے مطابق لاہور میں کینال روڈ، فیروز پور روڈ، جیل روڈ، کوئین روڈ، انار کلی روڈ پر بھی احتجاج کیا جائے گا ۔
اس کےعلا وہ راولپنڈی میں مری روڈ، فیصل آباد میں جیل روڈ ، گجرات میں اسپتال روڈ پر احتجاج کیا جائے گا،ملتان میں جیل روڈ، ڈی جی خان میں جام پور روڈ، رحیم یاراسپتال روڈ صبح 11 سے دوپہر 3 بجے تک بند رہیں گی۔
واضح رہے کہ اوپی ڈی، آپریشن تھیٹرز میں کام بند ہے جس کے با عث مریضوں کی مشکلات میں اضافہ ہو رہا ہے جبکہ اسپتال انتظامیہ نے احتجاج کو روکنے کے لئے پولیس کی بھاری نفری بھی طلب کر رکھی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News