کراچی سمیت سندھ بھرمیں کتوں کی بہتات کےباعث سگ گزیدگی کےواقعات میں تشویشناک حدتک اضافہ ہوگیاہے۔

تفصیلات کےمطابق کراچی کےعلاقےلائنزایریامیں بارہ گھنٹےکےدوران اکیس افرادکوکتوں نےکاٹ کر اسپتال بھیج دیاہے۔

ڈائریکٹرجناح اسپتال ایمرجنسی وارڈ ڈاکٹرسیمی جمالی نےواقعات کی تصدیق کرتےہوئےکہاکہ بارہ گھنٹےکےدوران اکیس افرادکوکتوں نےکاٹاہےاورتمام کیسز لائنزایریاسےرپورٹ ہوئےہیں۔

ڈاکٹرسیمی جمالی کےمطابق اکیس میں سےسترہ افرادکوویکسین دینےکےبعدفارغ کردیاگیاہے جبکہ سگ گزیدی کاشکارکچھ افراداب بھی جناح اسپتال میں زیرعلاج ہیں۔

جب کہ 16 اکتوبرکوبینظیرآباد میں کتےکےکاٹنےکےبعدریبیزمیں مبتلا 55 سالہ خاتون کوکراچی کےجناح اسپتال منتقل کیاگیاتھاجوگزشتہ روزانتقال کرگئیں  ۔

اس سے قبل 14 اور 15 اکتوبرکی درمیانی شب کراچی کےعلاقےایف سی ایریامیں ایک پاگل کتےنے پولیس اہلکارسمیت 25 افرادکوکاٹ لیاتھا ۔

ڈائریکٹرجناح اسپتال ایمرجنسی وارڈ ڈاکٹرسیمی جمالی کاکہناہےکہ سگ گزیدگی سےصوبےبھرمیں ایک لاکھ 18 ہزارافرادزخمی اور 19 ہلاک ہوچکےہیں ۔

 سگ گزیدگی  کےبڑھتےہوئےواقعات پروزیر اطلاعات ومحنت سندھ سعیدغنی کاکہناتھاکہ کتےکےکاٹنے کےانجکشن کی کمی صرف صوبہ سندھ میں نہیں بلکہ پورےملک میں ہےاوراس کی وجہ چائنااور بھارت سےان انجکشن کی عدم دستیابی ہے۔انہوں نےمزیدکہاکہ کراچی شہرمیں کتےکاٹےکی ویکسین کی کمی کو پوراکرنےکےلیےاقدامات کیےجارہےہیں۔

واضح رہےکہ چند سال قبل بلدیاتی اداروں نےآوارہ کتوں کوتلف کرنےکی مہم کاآغازکیاتھاتوایک غیر سرکاری تنظیم نےاس کےخلاف عدالت سےرجوع کیاتھا۔ اس تنطیم کاکہناتھاکہ کتوں کوزہردیکر مارنے کی بجائےاس کی نس بندی کی جائے۔