پنجاب بھرمیں ڈینگی کے وارجاری ہیں، صوبے بھر کےتمام اسپتالوں میں ڈینگی کے مجموعی طور پر 311 مریض زیر علاج ہیں۔

تفصیلات کے مطابق گذشتہ 24 گھنٹوں میں پنجاب میں  ڈینگی وائرس سے متاثرہ 57 نئے مریض سامنے آئےجس میں 50 مریضوں کوعلاج کے بعدڈسچارج کردیاگیا۔

راولپنڈی میں 45 ،لاہور میں 10جبکہ اٹک میں دو کیسز سامنے آئے۔صوبہ بھر میں 06 مریض آئی سی یو میں جبکہ باقی خطرے سے باہر ہیں۔

صوبہ میں یکم جنوری سے 21 اکتوبر تک 10 اموات ہوئی ہیں،ڈینگی لاروا کی افزائش روکنے کے لیے کارروائیاں جاری ہیں۔ اب تک ایک لاکھ23ہزار513ان ڈور اور34ہزار228 آوٹ ڈور مقامات کو چیک کرکےایک ہزار241 مقامات سے لاورا تلف کیا گیا۔

ڈینگی لاوراکی موجودگی میں غفلت پر 11 کمرشل مقامات کے خلاف مقدمات درج جبکہ 06 افراد کوگرفتار کیا گیا۔

دوسری جانب راولپنڈی میں گزشتہ چوبیس گھنٹوں میں مزید60 مریض ڈینگی کا نشانہ بنے ہیں۔

ذرائع محکمہ صحت کے مطابق ابتک 9ہزار596 شہری ڈینگی کا نشانہ بن چکے۔33 شہری راولپنڈی کے ہسپتالوں میں زندگی کی بازی ہارگئے۔

ذرائع محکمہ صحت گزشتہ چوبیس گھنٹوں کےدوران پوٹھوہار ٹاون سے 26 افرادڈینگی کا شکارہوئے۔ جس میں شہر اور کینٹ سے24افراد میں ڈینگی وائرس کی تشخیص ہوئی۔

ملتان کےنشتر اسپتال میں ڈینگی کا ایک نیا کیس رپورٹ ہواہےجس کےبعدنشتراسپتال کےآئسولیشن وارڈ میں زیرعلاج مریضوں کی تعداد 10 ہوگئی۔ آئیسولیشن وارڈ میں زیرعلاج 8مریضوں میں ڈینگی وائرس کی تصدیق ہوئی ہےجبکہ ایک مریض کی رپورٹ آنا باقی ہے۔

واضح رہے کہ نشتر اسپتال میں زیرعلاج مریضوں کا تعلق جنوبی پنجاب کے مختلف اضلاع سے ہے۔