ڈاؤ یونیورسٹی آف ہیلتھ سائنسز کا بڑا کارنامہ
پاکستان کے لیے خوشی کی خبر،ڈاؤ یونیورسٹی آف ہیلتھ سائنسز کے پروفیسرز اور ماہرین نے اہم سنگ میل عبور کرلیا۔
تفصیلات کے مطابق ڈاو یونیورسٹی آف ہیلتھ ساینسز کے پروفیسرز اور ماہرین کی ٹیم نے بڑا کارنامہ انجام دیتے ہوئےاینٹی اسنیک وینم کی تیاری کا ایک اہم مرحلہ طے کرلیا۔
ڈاؤ انسٹیٹیویٹ آف لائف سائنسز کے ڈائریکٹرز ڈاکٹر طلعت رومی اور ڈاکٹر شوکت علی نےاوجھاکیمپس میں مشترکہ بریفنگ دیتے ہوئے بتایا کہ این آئی ایچ اسلام آباد کے بعد اب ڈاؤ یونیورسٹی آف ہیلتھ سائنسز بھی سانپ کے زہر کو ختم کرنے کی ویکسین تیار کرسکے گی۔
انہوں نے مزید کہا کہ ڈرگ ریگولیٹری اتھارٹی پاکستان (ڈریپ ) کو لائسنس کے لیے درخواست فراہم کر دی ہے ۔ڈریپ سے منظوری کے بعد آئندہ سالوں میں ڈاؤ یونیورسٹی آف ہیلتھ سائنسز پورے پاکستان کی کھپت پوری کرسکے گی۔
ماہرین نے بتایا کہ سانپ کے زہر کوختم کرنے کی ویکیسن کا کامیاب تجربہ مکمل کر لیا گیا ہے جس کے چوہوں اور گھوڑوں پر کامیاب تجربات کیے گئے ہیں۔
خیال رہے کہ پاکستان میں سالانہ 40 ہزار سے زائد افراد اسنیک بائٹ کا شکار ہوتے ہیں جس کے باعث تقریباً 10 ہزار سے زائد افراد جان کی بازی ہار جاتے ہیں۔
پاکستان سالانہ 50 ہزار اے ایس وی وائلز درآمد کرتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News