کراچی میں ڈینگی کے وارجاری،مزید218شہری ڈینگی کاشکار
شہرقائدمیں ڈینگی کےوارجاری ہیں،ڈینگی وائرس پرقابو پایانہ جاسکا۔ شہرمیں 218 مزید شہری ڈینگی کا شکار ہوگئے۔
تفصیلات کے مطابق رواں سال صوبے بھر میں ڈینگی کا شکار ہونے والے شہریوں کی تعداد 10 ہزار 360 سے تجاوز کرگئی۔
کراچی سے رواں سال 9 ہزار 6 سو 96 سے زائد شہری ڈینگی کا شکار بنے جبکہ سندھ کے دیگر اضلاع سے 6 سو 64 سے زائد کیسز رپورٹ ہوئے ہیں۔ رواں سال ڈینگی سے اب تک 30 ہلاکتیں ہو چکی ہے۔
گزشتہ سال 2ہزار88 شہری ڈینگی سے متاثر ہوئے جن میں سے 2 جاں بحق بھی ہوئے 2017 میں 2ہزار927 ڈینگی کے کیس رپورٹ ہوئے تھے جن میں سے 12 جاں بحق ہوئے۔
واضح رہے کہ گزشتہ روزڈینگی نے ایک ہی دن میں دو افراد کی جان لے لی۔ ڈینگی بخار میں مبتلا سات ماہ کا نومولود بچہ دم توڑ گیا۔ نومولود نارتھ کراچی کے نجی اسپتال میں زیر علاج تھا۔
ڈینگی میں مبتلانجی اسپتال میں زیرعلاج لیاقت آبادکی رہائشی 55سالہ زاہدہ کوثربھی دم توڑ گئیں۔
رواں سال ڈینگی کے باعث جانبحق افراد کی تعداد 29 ہوگئی۔ گزشتہ روزسندھ بھر سے چوبیس گھنٹوں کے دوران ڈینگی کے 210 کیس رپورٹ ہوئےجبکہ کراچی میں چوبیس گھنٹوں کے دوران ڈینگی کے 188 کیس رہورٹ ہوئے۔
نومبرمیں تین دن کے دوران ڈینگی سےہونے والی ہلاکتوں کی تعداد 588 ہوگئی۔ رواں سال سندھ بھر سے 10 ہزار 142 افراد ، کراچی سے9 ہزار 491 افراد جبکہ سندھ کے دیگر اضلاع سے اب تک 651 افراد ڈینگی سے متاثر ہوئے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News