صوبائی وزیر صحت عذرا پیچوہونے دعویٰ کیا ہے کہ صوبہ سندھ میں ڈینگی کی صورتحال دیگر صوبوں کے مقابلے میں انتہائی کم ہے۔

تفصیلات کے مطابق جامعہ کراچی کے بین الااقوامی مرکز برائے کمیائی وحیاتیاتی  علوم میں ایک ورکشاپ کا انعقاد ہوا۔

سندھ کی وزیر صحت و پاپولیشن ویلفیئر ڈاکٹر عذرا فضل پیچوہو نےورکشاپ کا افتتاح کیا۔ورکشاپ میں ڈاکٹر عطاالرحمان اور وزیر اعظم کے چیئرمین مین برائے ٹاسک فورس عزیز جمال نےبھی شرکت کی۔

اس موقع پر ڈینگی اور کتے کے کاٹنے سے ہونے والی بیماری ریبیز جیسے اہم مسائل پر میڈیا  سے گفتگو کرتے ہوئے وزیر صحت عزرا پیچوہو  نے دعویٰ کیا کہ صوبہ سندھ میں ڈینگی کی صورتحال دیگر صوبوں کے مقابلے میں انتہائی کم ہے۔

صوبائی وزیر صحت کا مزید کہنا تھا کہ ڈینگی پر قابو پانے کی کوشش کر رہے ہیں۔فیومیگیشن مسئلے کا حل نہیں ہے، لیکن فیومیگیشن کر رہے ہیں۔گھر کے اندر کی ہماری ذمہ داری نہیں ہے۔

عذرا پیچوہو نے کہا کہ ریبیز  کا مسئلہ پورے ملک میں پھیلا ہوا ہے تاہم ہماری ضرورت کے مطابق ریبیز ویکسین تمام سرکاری اسپتالوں میں موجود ہے۔

 صوبائی وزیر صحت کا کہنا تھا کہ ریبیز سے مرنے کی وجہ یہ بھی ہوتی ہے کہ مریض دیر سے اسپتالوں میں پہنچتے ہیں۔