تقریباً پونے دو کروڑ بچوں کے پیٹ میں کیڑے ہونے کا انکشاف
ناقص سیوریج نظام سے ملک بھر میں تقریباً پونے دو کروڑ بچوں کے پیٹ میں کیڑے ہونے کا انکشاف ہوا ہے۔
تفصیلات کے مطابق وزارت صحت اور عالمی ادارہ صحت کے مشترکہ سروے میں انکشاف ہوا ہے کہ ملک بھر میں ایک کروڑ 70 لاکھ سے زائد بچوں کے پیٹ میں کیڑے ہونے کا انکشاف ہوا ہے۔
رپورٹ میں انکشاف ہوا ہےکہ ملک کے40 اضلاع میں ناقص سیوریج نظام سے 5 سے 15 سال تک کے بچے متاثر ہیں جبکہ کراچی کے 46 لاکھ بچوں کو بھی علاج معالجے کی ضرورت ہے۔
اس ضمن میں محکمہ صحت اور محکمہ تعلیم مشترکہ طور پر پیٹ کے کیڑے مار مہم چلائیں گے۔کراچی کے تمام اسکولوں میں 29 جنوری سے مہم چلائی جائے گی۔
بچوں کو مہم کے دوران پیٹ کے کیڑوں کو مارنے کی دوائی دی جائے گی۔200طالب علموں کو دوائی دینے کی ذمہ داری ایک استاد کی ہوگی جبکہ اس مقصد کے لیےاستاد کو اسکول انتظامیہ کی جانب سے نامزد کیا جائے گا۔
ڈائریکٹریٹ پرائیوٹ اسکول نے تمام نجی اسکولوں سے طالب علموں کی تفصیلات طلب کر لی ہیں۔تمام نجی اسکول 10 جنوری سے قبل تفصیلات جمع کرانے کے پابند ہوں گے۔
ڈائریکٹریٹ پرائیوٹ اسکول کی رجسٹرار نے تمام نجی اسکولوں کی انتظامیہ کو خط لکھ دیا ہے۔
واضح رہے کہ اس سے قبل 18 نومبر سے 30 نومبر تک کراچی میں ٹائیفائیڈ سے بچاؤ کی مہم بھی چلائی گئی تھی۔ جس کے دوران 9 ماہ سے 15 سال تک کے بچوں کو ٹائیفائیڈ بخار سے بچاؤ کے ٹیکے لگائے گئے تھے۔
محکمہ صحت نے ٹائیفائیڈ کا ذمہ دار بھی فرسودہ سیوریج سسٹم کو ہی قرار دیا تھا۔محکمہ صحت کا کہنا تھا کہ ٹائیفائیڈ کی وجہ آلودہ پانی اور ناقص غذا ہے۔
محکمہ صحت کی رپورٹ کے مطابق سندھ میں ٹائیفائیڈ کے 2016 سے تاحال 5200 کیسز رپورٹ ہوئے ہیں جس میں سے 2 ہزار سے زائد کیسز کراچی میں رپورٹ ہوئے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News