کراچی میں پولیو مہم کا آغاز
کراچی میں سات روزہ انسداد پولیو مہم 16دسمبر سے شروع ہو گی۔
تفصیلات کے مطابق کمشنر کراچی کی زیر صدار ت اجلاس منعقد ہوا جس میں مہم کے متعلق انتظامات کا جائزہ لیا گیا۔
اجلاس میں کمشنر کراچی نے بتایا گیا کہ 23 لاکھ سے زائد بچوں کو قطرے پلائے جائیں گے جبکہ دس ہزار سے زائد پولیو ٹیمیں فرائض انجام دیں گی۔
اجلاس میں فیصیلہ کیا گیا کہ 4 ہزار سے زائد پولیس اہلکاروں کو سیکورٹی فرائض کے لئے تعینات کیا جائیگا۔
انسداد پولیو مہم پانچ ماہ کے تعطل کے بعد دوبارہ شرو ع کی جارہی ہے اور رہ جانے والے بچوں تک رسائی کی حکمت عملی تیار کر لی گئی
کمشنر کراچی افتخار شالوانی نے کہا ہے کہ ڈپٹی کمشنرز عالمی ادارہ صحت کی حکمت عملی پر عملدرآمد کو یقینی بنائیں کیونکہ والدین بچوں کو قطرے پلائیں اس سے بچوں کا مستقبل وابستہ ہے۔
واضح رہے کہ اس سے قبل وزارت صحت نے ملک سے خاتمے کے لیے نیشنل اسٹریٹجک ایڈوائزری گروپ تشکیل دیا ۔
معاون خصوصی برائے صحت ڈاکٹر ظفرمرزا نے وزیراعظم کی مشاورت سے پولیو کے خاتمے کے لیے نیشنل اسٹریٹجک ایڈوائزری گروپ تشکیل دیا ہے۔
نیشنل اسٹریٹجک ایڈوائزری گروپ کے سربراہ ڈاکٹر ظفر مرزا ہوں گے۔
ڈاکٹر ظفر مرزا کا کہنا ہے کہ پولیو کے کیسز کی بڑھتی تعداد کے پیش نظر وائرس کی روک تھام کے لیےنیشنل اسٹرٹیجک ایڈوائزری گروپ تشکیل دیا گیا ہے۔
انہوں نے کہا کہ ماہرین کے گروپ کی تشکیل وزیر اعظم کی مشاورت سے کی گئی ہے۔گروپ میں پولیو کے لیےکام کرنے والے ماہرین اور سابقہ عہدیداران کو بھی شامل کیا گیا ہے ۔
معاون خصوصی کا مزید کہنا تھاکہ ایڈوائزری گروپ کی تشکیل کا یہ فیصلہ پولیو کے حالیہ 91 کیسز منظر عام پر آنے کے بعد کیا گیا ہے۔
ڈاکٹر ظفر مرزا نے کہا کہ ماضی میں پولیو کے خاتمہ کے لیےکام کرنے والی شہنا زوزیر علی اور سینیٹر عائشہ رضا فاروق بھی گروپ میں شامل ہیں۔
انہوں نے کہا کہ ایڈوائزری گروپ پولیو کے خلاف عملدرآمد،حکمت عملی میں پیش رفت کے لیےمشورے دے گا۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News