اپنی غذا میں کھچڑی کے استعمال سے آپ کئی اضافی کلو وزن کم کر سکتے ہیں۔

وزن میں کمی کے لیےسلاد یا ڈیٹاکس واٹر کا سہارا لیا جاتا ہے مگر غذا پر کچھ خاص توجہ نہیں دی جاتی، غذائی ماہرین کے مطابق اپنی غذا میں کھچڑی کے استعمال سے  کئی اضافی کلو وزن کم کر سکتے ہیں۔

ویڈیو گیم کھیل کر 30 دن میں 20 پونڈ وزن کم،مگوئی گیبریل

ماہرین غذائیت کے مطابق ورزش کے ساتھ غذا کا بہت اہم کردار ہوتا ہے، اگر آپ روزانہ کی بنیاد پر ورزش کر رہے ہیں اس کا 30 فیصد آپ میں تبدیلی لاتا ہے جبکہ آپ کا مقرر کردہ ہدف کا 70 فیصد دارومدار آپ کی غذا پر ہے، یعنی آپ چاہے روزانہ ورزش کریں مگر آپ کیا کھا پی رہے ہیں یہ بہت معنی رکھتا ہے۔

کھچڑی آپ کی سوچ سے زیادہ فائدہ مند ہے جس کے استعمال سے آپ کو حیرت انگیز فوائد حاصل ہوں گے۔

کچھ افراد کا ماننا ہے کہ چاولوں کا استعمال وزن میں کمی کے بجائے وزن بڑھا دیتا ہے، مگرحقیقت میں ایسا نہیں ہے، اگر آپ اپنی غذا میں چاولوں کا متوازن استعمال رکھیں تو اس میں کوئی نقصان نہیں ہے۔

چند منٹوں میں بن جانے والی کھچڑی آپ کی مصروف زندگی سے زیادہ وقت نہیں لےگی اور اس میں مو جود دالوں کا استعمال آپ کو زیادہ دیر تک بھوک کا احساس نہیں ہونے دے گا ۔

غذائی ماہرین کے مطابق چاول، دالوں اور ہلکے مسالوں سے تیار کردہ روایتی کھچڑی آپ کو مکمل غذائیت کے ساتھ وزن میں کمی میں مدد فراہم کرے گی۔