سول اسپتال کراچی میں مریضوں سے باہر سے دوائیں منگوانے پر پابندی
سول اسپتال کراچی کے میڈیکل سپریٹنڈنٹ ڈاکٹر خادم قریشی نے مریضوں کی سہولت کے لیے بڑا فیصلہ کرلیا ۔
تفصیلات کے مطابق سول اسپتال کراچی کے میڈیکل سپریٹنڈنٹ (ایم ایس )ڈاکٹر خادم قریشی نے مریضوں سے باہر سے دوائیں منگوانے پر پابندی عائد کردی ہے۔
اس ضمن میں سول اسپتال کراچی کے تمام شعبہ جات کو سرکلر جاری کر دیا گیا ہے۔
ڈاکٹر خادم قریشی کی جانب سے جاری سرکلر میں کہا گیا ہے کہ سول اسپتال کی مرکزی فارمیسی میں دواؤں کا 70فیصد اسٹاک موجود ہے جبکہ بقیہ مطلوبہ 30فیصد ادویات کے لئے ٹینڈر جاری کردیا گیا ہے۔
سرکلر میں مزید کہا گیا کہ ادویات باہر سے منگوانے والے ڈاکٹروں اور اسٹاف کے خلاف سخت کارروائی عمل میں لائی جائے گی۔
اس حوالے سے ایم ایس ڈاکٹر خادم قریشی نے سینئر ڈاکٹروں پر مشتمل ویجلینس ٹیمیں بھی تشکیل دی ہیں۔
ڈاکٹر خادم قریشی نے کہا کہ سول اسپتال میں تمام زیر علاج اور او پی ڈی میں آنے والےمریضوں کومفت ادویات کی فراہمی شروع ہوگئی ہے۔
انہوں نے مزید کہا کہ ٹینڈر کے عمل میں تاخیر کے باعث ادویات کا بحران سامنے آیا تھا۔ٹینڈ ر جاری کرنے والے اسٹاک ہولڈرز طریقہ کار کو بہتر بنائیں۔
ڈاکٹر خادم قریشی نے کہا کہ کسی قسم کی ادویات موجود نہ ہوں تو فوری طور پر ایم ایس آفس سے رابطہ کیا جائے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News