چین سےپھیلنے والےمہلک کورونا وائرس کا علاج ابھی تک دریافت نہیں ہوسکا،جبکہ اس وائرس نے دنیا میں تباہی مچا دی ہے۔

تفصیلات کے مطابق عالمی ادارہ صحت (ڈبلیو ایچ او) نے بھی دنیاکے تمام ممالک کو وائرس سے محفوظ رہنے کیلئے ہائی الرٹ جاری کردیا ہے۔

کورونا وائرس ایک سے دوسرے صحت مند انسان میں منتقل ہونے کی بھرپورصلاحیت رکھتا ہے، وائرس سے محفوظ رہنے کیلئے احتیاطی تدابیراختیارکرنےکوضروری قرار دے دیا گیا۔

کورونا وائرس کی ابتدائی علامات فلوجیسی ہوتی ہیں جوعام طورپر سے جسم میں وٹامن سی کی کمی، غیرصحت مندانہ خوراک کھانے اورسافٹ ڈرنکس سے بھی لاحق ہوتا ہے کمزورقوت مدافعت والے افراد اوربچوں میں فلو عام طورپرہوجاتا ہے۔

ماہرین صحت کا کہنا ہےکہ اس کاابھی تک کوئی علاج سامنے نہیں آیا تاہم اس وائرس سے محفوظ رہنے کیلیے ہجوم والے مقامات پر جانے سے گریزکیاجائےجس میں شاپنگ سینٹرز، ہوٹل وغیر شامل ہیں۔

مہلک وائرس سے بچاو کیلئے گھروں میں ماسک اور دستانے رکھیں، خواتین اور باروچی خانے میں کام کرنے والی ملازمہ کو بھی دستانے پہنا کرگوشت کی صفائی کا کام کروائیں،کچا انڈا،کچا پکاگوشت کھانے سے گریزکریں۔

ماہرین صحت کا کہناہے کہ فلووائرس عام طورپر جسم میں وٹامن سی اور قوت مدافعت کم ہونے کی کمی سے بھی لاحق ہوتا ہے لہذا  وٹامن سی پرمشتمل قدرتی فروٹ موسمی، کینو ، مالٹے فلو سے بچاو میں مددگارثابت ہوں گے تاہم ان فروٹ کو دوپہرکے وقت کھائیں رات میں کھانے سے گریزکریں۔