کورونا وائرس کے لئے فرنٹ لائن پر لڑنے والے ڈاکٹرز اور پیرا میڈیکل اسٹاف کو تحفظ فراہم کرنے کے لئے کورونا کے مریضوں کا سیمپل لینے کے لئے پروٹیکشن سیمپل بوتھ قائم کر دئیے گئے ہیں۔

تفصیلات کے مطابق پاکستان میں کورونا وائرس کے لئے فرنٹ لائن پر لڑنے والے ڈاکٹرز اور پیرا میڈیکل اسٹاف کو تحفظ فراہم کرنے کے لئے ڈپٹی کمشنر مہتاب وسیم کی تجویز پر محکمہ صحت منڈی بہاوالدین نے کورونا کے مریضوں کا سیمپل لینے کے لئے پروٹیکشن سیمپل بوتھ قائم کر دئیے گئے ہیں۔

منڈی بہاوالدین میں فرنٹ لائن پر کام کرنے والے ڈاکٹروں اور پیرا میڈیکل اسٹاف کو تحفظ کورونا وائرس سے متاثرہ مریض کا سیمپل لینے کیلئے پاکستان کا پہلا پروٹیکشن سیمپل بوتھ قائم کر دیا گیا ہے۔

جس کا افتتاح ڈپٹی کمشنر مہتاب وسیم اور ڈی پی او ناصر سیال نے ڈسٹرکٹ ہیڈ کوارٹر اسپتال میں کیا انکا کہنا تھا کہ یہ پروٹیکشن سیمپل بوتھ دو دن کے مختصر وقت میں بنایا گیا ہے جس کا مقصد کورونا وائرس کے مریض اور ڈاکٹر و پیرا میڈیکل اسٹاف کے درمیان فاصلہ رکھنا ہے، تاکہ فرنٹ لائن پر کام کرنے والے میڈیکل ٹیم کے افراد کی زندگیوں کو محفوظ بنایا جاسکے۔

 اس موقع پر سی او ہیلتھ ڈاکٹر مفتی محمد علی اور   ڈاکٹر شکیل نے میڈیا کے سامنے کورونا وائرس کے مریض کا سیمپل لیا اور حفاظتی اقدامات سے آگاہ کیا ہے۔

ڈپٹی کمشنرمہتاب وسیم کا کہنا تھا کہ یہ سیمپل پورے پاکستان میں بھی بآسانی لانچ کیا جا سکتا ہے اور اسکی ایک خوبی یہ ہے کہ اسے متاثرہ آبادی والے مقام پر بھی لے جایا جا سکتا ہے۔