کورونا کا خوف دل و دماغ پرچھا گیا ، اس سے کیسے بچیں؟

شبین رضا

08th Apr, 2020. 01:42 pm
شيئر
- Font size
  - Small
  - Medium
  - Large
- Dark Mode
- Save
- Print

آرٹیکلز

Now Reading:

کورونا کا خوف دل و دماغ پرچھا گیا ، اس سے کیسے بچیں؟

کورونا وائرس کا خوف دنیا بھر میں لوگوں کے دل و دماغ پر بری طرح سے چھا چکا ہے اس عالمی وبا سے متعلق خبریں ان لوگوں کے لیے زیادہ خطرناک ثابت ہوسکتی ہیں جو پہلے ہی کسی ذہنی اضطراب کا شکار ہیں۔

کورونا وائرس کے بارے میں معلومات کی بہتات کی وجہ سے بہت سے لوگ نفسیاتی مسائل کا شکار ہو گئے ہیں۔

دنیا بھر کے ماہرین کا کہنا ہے کہ جتنا سوشل میڈیا سے دور رہیں گے اتنا ہی ذہنی حالت کو سکون ملے گا، ذہنی صحت کو بہتر بنانے کے لیے تجویز کیا گیا ہے کہ ٹی وی پر انٹرٹینمنٹ دیکھیں اور کتابیں پڑھیں۔

عالمی ادارۂ صحت نے بھی کورونا وائرس کے پھیلاؤ کے دوران ذہنی صحت کے تحفظ پر زور دیا ہے۔

اس سلسلے میں یہ بھی مشورہ دیا گیا ہے کہ درست معلومات کے لیے مستند ذرائع پر انحصار کریں جس میں حکومت اور ڈبلیو ایچ او شامل ہیں۔

ماہرین نے یہ مشورہ بھی دیا ہے کہ جہاں تک ممکن ہو قدرت کا نظارہ کریں، سورج کی روشنی میں بیٹھیں، ورزش کریں، اچھی غذا کھائیں اور پانی پیتے رہیں۔