وزیراعظم کے معاون خصوصی برائے صحت ڈاکٹر ظفر مرزا نے کہا ہے کہ پاکستان سے پولیو کے خاتمے کیلئے تمام سیاسی قیادت متحد ہیں۔
ڈاکٹر ظفر مرزا نے بتایا کہ 2019 میں پاکستان پولیو پروگرام کو کئی چیلنجز درپیش تھے اس کے بوجود بھی آئی ایم بی کی اکتوبر2019 کی تجاویز پر بھرپور عملدرآمد کیا گیا۔
انہوں نے بتایا کہ پولیو کے خاتمے کیلئے تمام صوبوں کو ساتھ لے کر چل رہے ہیں جبکہ پاکستان سے پولیو کے خاتمے کیلئے تمام سیاسی قیادت متحد ہیں اور اس کے ساتھ ہی ساتھ الیکٹرانک وپرنٹ میڈیا اور سوشل میڈیا پر آگہی مہم بھی جاری ہے۔
معاون خصوصی کا کہنا تھا کہ فرنٹ لائن ورکرز کی تربیت پر بھی خصوصی توجہ دی گئی اور کورونا کے اثرات کے باوجود انسداد پولیو مہمات کیلئے بالکل تیار ہیں، پولیو کو شکست دینے کیلئے مزید متحد ہو کر کام کریں گے۔
انہوں نے بتایا کہ کورونا سے نمٹنے کا تجربہ پولیو کے خاتمے کیلئے مددگار ثابت ہوگا۔
ان کا مزید کہنا تھا کہ دوسرے ممالک کی طرح پاکستان میں بھی کورونا سے ہیلتھ ورکرز متاثر ہوئے اس لئے مارچ 2020 میں کورونا کیسز کے بعد پاکستان میں پولیو مہم روک دی گئی تھی لیکن کورونا سے نمٹنے کیلئے پولیو ورکرز کا کردار قابل تحسین ہے۔
ڈاکٹر ظفر مرزا کا کہنا تھا کہ پولیو کے خاتمے کیلئے افغانستان کے ساتھ مل کر کام کرنے کی ضرورت ہے کیونکہ آئی ایم بی کی رہنمائی سے پاکستان سمیت دنیا سے پولیو کا خاتمہ ممکن ہے۔
یاد رہے کہ یہ سب باتیں وزیراعظم کے معاون برائے صحت ڈاکٹر ظفر مرزا پولیو انڈیپنڈنٹ مانیٹر نگ بورڈ سے خطاب میں کہیں ہیں۔
کوآرڈینیٹر پولیو پروگرام ڈاکٹر رانا صفدر نے آئی ایم بی کو پولیو مہمات کی تفصیلات سے آگاہ کیا اور بتایا کہ کورونا وبا پر قابو پانے میں پولیو ورکرز نے اہم کردار ادا کیا ہے۔
انہوں نے مزید کہا کہ مزید بہتر حکمت عملی سے پولیو مہمات چلائی جائیں گی اور آئی ایم بی کی رہنمائی سے مزید بہتری ہوگی۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News