معاون خصوصی برائے صحت ڈاکٹر فیصل سلطان نے دواؤں کی قیمت میں اضافے سے متعلق انوکھی منطق پیش کردی۔
تفصیلات کے مطابق معاون خصوصی برائے صحت ڈاکٹر فیصل سلطان نے میڈیا سے گفتگو کرتے ہوئے کہا کہ جن دواؤں کی مہنگی ہونے کا ذکر ہو رہا ہے ، وہ سستی لائف سیونگ اور پرانے فارمولے پر ہیں۔
ڈاکٹر فیصل سلطان نے کہا کہ ان ادویات کی قیمتوں میں مناسب تبدیلی نہ آنے کی وجہ سے یہ مارکیٹ سے غائب ہو جاتی ہیں۔ غائب ہونے والی دوائیں پھر بلیک میں ملنے لگتی ہیں۔
انہوں نے کہا کہ ان وجوہات کی وجہ سے ضروری تھا کہ ادویات کی قیمتیں ایسی ہوں کہ سب کی پہنچ میں ہوں۔ وہ ادویات جو لوگوں کو مہنگی مل رہی تھیں اب مناسب قیمت اور وقت میں دستیاب ہوں گی۔
معاون خصوصی نے کہا کہ حکومت اور ڈریپ کا کام ادویات کی دستیابی کو یقینی بنانا بھی ہے۔مارکیٹ میں ناپید ادویات کی قیمت میں تھوڑے سے اضافے کی ضرورت تھی۔
ڈاکٹر فیصل سلطان نے کہا کہ ہم ادویہ ساز کمپنیزکے دباؤمیں نہیں آئے، ہم نے ادویات کی قیمتیں اتنی بڑھائی ہیں کہ لوگوں تک پہنچ سکیں۔
انہوں نے مزید کہا کہ ایک نئی پرائسنگ پالیسی پر کام کر رہے ہیں۔ بڑھتی ادویات کی قیمتوں کی لسٹ ویب سائٹ پر لگائی جائے گئی۔ صحت کے تمام اداروں میں بھی اصلاحات لا رہے ہیں۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News