معاون خصوصی ڈاکٹر فیصل کی جانب سے خطے میں عوام کو بہتر صحت سہولیات کی فراہمی کے لیے مشترکہ کاوشوں پر زور دیا گیا ہے۔
تفصیلات کے مطابق عالمی ادارہ صحت کے چار روزہ مشرقی خطے کے اجلاس کا مصر میں آغاز ہوگیا ہے ویڈیو لنک پر جاری اجلاس میں مشرقی خطے سے تعلق رکھنے والے ممالک کے وزراء صحت اور وفود نے شرکت کی جبکہ معاون خصوصی برائے صحت ڈاکٹر فیصل سلطان کی جانب سے پاکستان کی نمائندگی کی گئی۔
ڈاکٹر فیصل سلطان کا کہنا تھا کہ سال 2020 ایک بڑے چیلنج کے طور پر سامنے آیا ہے جس میں عالمی وباء کورونا وائرس اور مُلک کے سب سے بڑے شہر کراچی میں ریکارڈ بارشیں حکومت کے لیے چینلج رہیں ہیں۔
انہوں نے کہا کہ یہ وقت ہے جب ہمیں اپنا صحت کا نظام مضبوط بنانے سے اپنے لوگوں کے تحفظ کو یقینی بنانا ہے کیونکہ اگر ہماری طرف سے کورونا زکاء، سارک اور ایبولا جیسی مہلک بیماریوں کو کنٹرول نہ کیا گیا تو یہ معاشی اور معاشرتی لحاظ سے تباہ کُن ثابت ہونگے۔
اس وقت کورونا کی دوسری لہر کے خطرات یقینی طور پر موجود ہیں اور برقت اقدامات کے لیے ریجنل اور نیشنل سطح پر حکمت عملی کی تیاری انتہائی اہم ہے۔
معاون خصوصی کا کہنا تھا کہ معاشی مشکلات کے باوجود حکومت پاکستان کی جانب سے شعبہ ہیلتھ کے لیے اہم اقدامات اُٹھائے گئے ہیں جبکہ عالمی ادارہ صحت کی جانب سے پاکستان کی ایسی کاوشوں میں ہمیشہ معاون کردار ادا کیا گیا ہے۔
ان کا کہنا تھا کہ حکومت اس کڑے وقت میں شہریوں کے لیے صحت کی تمام سہولیات کی فراہمی یقینی بنا رہی ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News