آسٹریلوی سائنسدانوں نے ملک کی پہلی مسینجرز رائبو نیوکلک ایسڈ کورونا ویکسین تیار کرلی۔
برطانوی اخبار دی گارجین کے مطابق آسٹریلیا کے شہر میلبورن میں موناش یونیورسٹی، طبی اجزا بنانے والے ادارے آٰٗ ڈی ٹی آسٹریلیا اور آسٹریلیا ہی کی پیٹر دوہارتھی انسٹی ٹیوٹ سے تعلق رکھنے والے محققین نے 5 ماہ کی مشترکہ کاوشوں سے ملک کی پہلی مسینجرز رائبو نیوکلک ایسڈ کورونا ویکسین تیار کرلی ہے۔
ماہرین کا کہنا ہے کہ ویکسین کے کلینیکل ٹرائل کے پہلے مرحلے کا آغاز جنوری میں شروع کیا جائے گا، ابتدائی طور پر اس کی 450 خوراکیں تیار کی گئی ہیں جو 150 افراد کو لگائی جائیں گی۔ جس کے نتائج میں ابھی وقت لگے گا۔ عالمی معیار کے تحت اس ویکسین کو کلینیکل ٹرائل کے 3 مراحل سے گزرنا ہوگا ، جس کے بعد نتائج کو مدنظر رکھتے ہوئے اس کے باقاعدہ استعامل کی منظوری ملے گی ، اس سارے عمل میں کچھ برس لگ سکتے ہیں۔
وکٹوریہ کی وزیر برائے تحقیق جالا پلفورڈ کا کہنا ہے کہ کورونا کے حوالے سے ایم آر این اے ویکسین کی تیاری اہم سنگ میل ہے کیونکہ یہ کسی بھی مرض کے خلاف آسٹریلیا میں تیار کردہ پہلی ایم آر این اے ویکسین ہے۔
ویکسین کی تیاری میں شامل مونارش یونیورسٹی کے پروفیسر آف فارماسیوٹیکل بائیلوجی کولن پوٹون نے نئی تیار کردہ ویکسین سے متعلق کہا کہ اس بات کا قومی امکان ہے کہ یہ ویکیسن کورونا کی نئی اقسام کے خلاف بھی انتہائی موثر ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News