ڈینمارک نے کورونا وائرس کی پیشِ نظر لگائی گئی متعدد پابندیاں اٹھا لیں اور ملک میں اومیکرون ویریئنٹ پھیلنے کے باوجود اتوار کو مخصوص جگہوں کو دوبارہ کھولنے کی اجازت دے دی۔

بین الاقوامی خبر رساں ادارے کے مطابق سنیما، چڑیا گھر، میوزیم اور تھیٹرز ان جگہوں میں شامل ہیں جہاں لوگ جا سکیں گے۔

محدود تعداد میں شائقین کو اندرون اور بیرون کھیلوں میں شرکت کرنے کی بھی اجازت ہوگی۔

لوگوں ان جگہوں پر جانے کے لیے ماسکت پہننے اور اپنے ویکسین شدہ ہونے کا ثبوت یا حالیہ منفی کووڈ-19 ٹیسٹ رپورٹ دِکھانے کی ضرورت ہوگی۔

ڈینش حکموت ملک میں 31 جنوری تک پابندیوں میں مزید نرمی کی منصوبہ بندی کر رہی ہے۔

ڈینمارک کے وزیر صحت میگن ہیونکے نے رپورٹرز کو اس ہفتے کے شروع میں بتایا تھا کہ حکومت عالمی وباء کی صورتحال کی کو بغور دیکھ رہی ہے اور جگہوں کے دوبارہ کُھلنے کی کبھی حامی نہ ہوتی اگر ان کے اپنے اور باہر کے ماہرین اس کے متعلق صاف خیال نہ رکھتے۔

ابتدائی مطالعوں کے مطابق اومیکرون ویریئنٹ اس قبل آنے والے ڈیلٹا ویریئنٹ کی نسبت کم بیماری کا سبب بنتا ہے۔

لیکن یہ کورونا وائرس کا یہ ویریئنٹ دیگر کی نسبت زیادہ تیزی سے پھیلتا ہے اور کئی ملکوں کو بڑے پیمانے پر اپنی لپیٹ میں لے چکا ہے۔

یہ ان لوگوں کو بھی بآسانی اپنی زد میں لے لیتا ہے جو ویکسین شدہ ہیں یا اس قبل ویئرینٹس سے متاثر ہوچکے ہیں۔

ڈینش وزیر اعظم نے بدھ کو کہا تھا کہ پابندیوں کا ہٹایا جانا حکومت کے اپنے ماہرینِ صحت کے مشیروں کے گروپ کی تجویز پر مبنی ہے۔