آسٹریلیا میں منگل کے روز ریکارڈ اموات رپورٹ ہوئی ہیں اور ملک کی دوسری بڑی ریاست کے اسپتالوں میں ایمرجنسی کا نفاذ کر دیا گیا ہے تاکہ کووڈ مریضوں کے اسپتالوں میں داخلے اور کورونا کی وجہ سے عملے کی کمی کے مسائل سےنمٹا جا سکے۔

آسٹریلیا کی تین سب سے زیادہ گنجان آباد ریاستوں میں 74 اموات ہوئیں۔

نیو ساؤتھ ویلز میں 36، وکٹوریا میں 22 اور کوئنزلینڈ میں 16 اموات رپورٹ ہوئیں۔

پچھلی بار 4 ستمبر 2020 کو سب سے زیادہ اموات، 59، ہوئیں تھیں۔

وفاقی وزیر صحت گریگ ہنٹ کا کہنا تھا کہ ایسے اشارے تھے کہ نیو ساؤتھ ویلز میں انفیکشن کی شرح بڑھ رہی ہے اور وِکٹوریا میں ٹھہرنے کے قریب ہے۔

نیو ساؤتھ ویلز کی حکومت نے تیزی سے پھیلنے والے اومیکرون ویریئنٹ سے نمٹنے کے لیے لاک ڈاؤن کے آپشن کو خارج کر دیا ہے۔

گزشتہ اکتوبر میں سڈنی میں 108 روزہ لاک ڈاؤن اس وقت ختم کیا گیا جب آسٹریلیا کے سب سے گنجان آباد شہر میں بڑے پیمانے پر ویکسین لگا دی گئی۔

نیو ساؤتھ ویلز کے سربراہ ڈومونِک پیروٹیٹ نے اے بی سی کو بتایا کہ ایک اور لاک ڈاؤن کے ریاست بھر میں مردوں اور عورتوں پر اپنے خاندانوں کی کفالت کرنے کے لحاظ سے شدید نتائج مرتب کرے گا۔

وِکٹوریا نے اپنے دارالحکومت میلبرن سمیت متدد علاقوں کے اسپتالوں میں ایمرجنسی نافذ کردی ہے۔

اسپتالوں کو ملازمین کے کووڈ میں مبتلا ہونے کی وجہ سے عملے کی کمی کا بھی سامنا ہے۔