اینوریکسیا نرووسا ایک غذائی عارضہ ہے جس میں کوئی بھی فرد اپنے وزن کو صحت مند وزن اور عمر سے کافی حد تک کم کر دیتا ہے۔ جبکہ یہ عارضہ ہر عمر اور جنس کو متاثر کر سکتا ہے۔

اس عارضے کے نتیجے میں آپ کی صحت خراب یہاں تک کہ خطرناک صورتحال پیدا ہوسکتی ہے۔

اینوریکسیا نرووسا کیا ہے؟

یہ ایک غذائی عارضہ ہے جس کی 3 اہم خصوصیات اور 2 اقسام ہیں۔

اہم خصوصیات

وزن بڑھنے کا انتہائی خوف

جسم کی بناوٹ یا ساخت کا غلط تصور

ایک صحت مند جسمانی وزن کو برقرار رکھنے سے انکار

اقسام

بھوک کی کمی کے لیے معدے کو صاف رکھنا – اس مقصد کے لیے جلاب کا استعمال اور وزن کم کرنے کے لیے قے دلانا۔

بھوک کو محدود کرنا – ایسا شخص سخت غذا ئی عادات کی پیروی کرتا ہے۔ اور اس کے لیے وہ کم کیلوری لینے ، روزہ رکھنے اور ضرورت سے زیادہ ورزش کرتا ہے۔

جسمانی علامات

وزن میں ضرورت سے زیادہ کمی

ظاہری شکل کمزور اور لاغر

بے ہوشی یا چکر آنا

تھکاوٹ

کم بلڈ پریشر

نیند نہ آنا

منہ کا خشک رہنا

جسم کی چربی کا ختم ہوجانا

زرد یا داغ دار جلد

سوچنے میں سست روی ، کمزور فیصلہ اور یادداشت

طرز عمل اور جذباتی علامات

بھوک کی علامات سے انکار

کھانے سے انکار

وزن بڑھنے کا شدید خوف

چڑچڑاپن

سماجی بیزاری

ذہنی دباؤ

علاج

اس عارضے میں جسم اور دماغ دونوں بری طرح متاثر ہوتے ہیں، اس لیے علاج کے لیے ایک ایسی ٹیم درکار ہوتی ہے جس میں ڈاکٹر، ماہر نفسیات اور غذائی ماہرین شامل ہو تاکہ ہر طرح سے علاج کو ممکن بنایا جائے۔ تاہم خاندان کے افراد کی شمولیت اور تعاون  بھی کامیاب علاج میں اہم کردار ادا کرسکتے ہیں۔

اینوریکسیا نرووسا کا علاج میں تین مراحل مشتمل ہے۔

پہلا قدم عام صحت مند وزن پر واپس آنا ہے۔

دوسرا قدم غذا کی زائڈ مقدار کا استعمال شروع کرنا۔

تیسرا مرحلہ آپ کی ذہنیت کو تبدیل کرنا ہے کہ آپ کھانے اور اپنے بارے میں کیسے سوچتے ہیں۔

مندرجہ بالا اقدامات کی مزید وضاحت ذیل میں کی جا رہی ہے۔

طبی علاج

اس کے علاج میں سب سے اہم قدم، کسی بھی صحت کے مسائل کو حل کرنا اور اسے مستحکم کرنا ہے۔ اگر کوئی شخص پریشان یا انتہائی غذا کی کمی کا شکار ہے تو اسے اسپتال میں بھی داخل کیا جاسکتا ہے۔

آؤٹ پیشنٹ علاج صرف ایک آپشن ہے، جب فرد کو فوری طبی خطرہ نہ ہو۔

غذائی علاج

غذائیت سے متعلق علاج اس مرض کے علاج کے سلسے کا دوسرا مرحلہ ہے۔ اس میں ایک ماہر غذائیت خدمات حاصل کی جائیں گی، جو فرد کو مناسب غذائیت اور صحت مند کھانے کے بارے میں سکھانے میں مدد کرے گا۔ اس میں کھانے کے منصوبوں کو تیار کرنا اور ان کی پیروی کرنا، عام، صحت مند وزن تک پہنچنے اور اسے برقرار رکھنے کے لیے مدد فراہم کرے گا۔

مشاورت اور تھراپی

اینوریکسیا نرووسا کے علاج کا تیسرا مرحلہ مشاورت ہے۔ یہ طریقہ اس علاج  میں سب سے زیادہ اہمیت رکھتا ہے۔ کیونکہ اس کا مقصد ان منفی احساسات اور خیالات کی نشاندہی کرنا ہے جو اس عارضے کو جنم دیتے ہیں۔ اس مشاورت کے نتیجے میں کھانے کے حوالے صحت مند انہ سوچ کو پروان چڑھایا جاتا ہے۔ تاہم ساتھ ہی مریض کے تناؤ، ہیجانی کیفیت اور رشتے کے مسائل سے نبردآزما ہونا بھی سکھانا ضروری ہے۔