املوک ایک ایسا پھل ہے جو بالکل ٹماٹر کی طرح نظر آتا ہے۔

اس کے بہت سے نام ہیں، بہت لوگ اسے جاپانی ٹماٹر کہتے ہیں، کچھ اسے چینی ٹماٹر کا نام دیتے ہیں جبکہ اردو میں اس کا نام املوک ہے۔

آج کل اس پھل کا موسم ہے اور یہ ہر پھل بیچنے والے کے پاس موجود ہوگا، دلچسپ بات یہ ہے کہ اس پھل کو ہر کوئی کھانا پسند نہیں کرتا، کچھ کو اس کا ذائقہ نہایت پسند ہوتا ہے تاہم کچھ اس کی زیادہ مٹھاس پسند نہیں کرتے۔

لیکن کیا آپ املوک کے بیج کا فائدہ جانتے ہیں؟ اگر نہیں تو آئیے ہم آپکو بتاتے ہیں۔

وزن میں کمی:

اس پھل میں صرف 31 گرام کاربوہائیڈریٹ موجود ہیں اور فیٹس نہ ہونے کے برابر ہیں،  ان وجوہات کی بناء پر یہ پھل وزن کم کرنے کے خواہش مند لوگوں کے لیے مفید ہے۔

نظامِ ہضم کو بہتر کرے:

پرسیمن میں موجود فائبر ہاضمہ بہتر بناتے ہیں، اپنی قبض کشا خصوصیات کی وجہ سے یہ لوگوں کے لیے بہترین ہے جو قبض میں مبتلا رہتے ہیں یا جگر کے مسائل کا شکار ہیں۔

املوک کے بیج بھی کارآمد:

بھنے ہوئے املوک کے بیج سے ذائقہ دار اسنیکس تیار کیئے جاسکتے ہیں۔

صحت مند دل کے لیے:

پرسیمن میں موجود پوٹاشیم بلڈپریشر کو کم کرتی ہے اور بلڈ پریشر کی وجہ سے ہونے والے دل کے مسائل سے بچاتی ہے۔

کینسر:

اینٹی اوکسیڈنٹ کا بہترین ذریعہ ہونے کی وجہ سے یہ پھل فری ریڈیکل کو ختم کرتا ہے جو سیلز کو نقصان پہنچا کر کینسر کا باعث بن سکتے ہیں۔

اس میں موجود وٹامن اے اور بیٹیولنگ ایسڈ کینسرسے مقابلہ کرنے کی صلاحیت میں اضافہ کرتا ہے۔

جلد کو چمکدار بنائے:

پرسیمن کا فیس ماسک جلد کو چمکدار بنانے کے لیے بہترین ہے۔

اس میں وٹامن اے، ای اور کیروٹین کی موجودگی جلد کو قدرتی چمک دیتی ہے، چمکدار جلد کے لئے پرسیمن کا گودا چہرے پر لگائیں اور 20 منٹ بعد دھولیں۔