آج کل کے جدید دور میں ای سگریٹ پینا ایک عام سی بات ہو گئی ہے لیکن کیا آپ جانتے ہیں کہ اس سے آپ کو خطرناک بیماری بھی لاحق ہو سکتی ہے؟
جی ہاں! حال ہی میں کی گئی ایک تحقیق میں یہ بات سامنے آئی ہے کہ ای سگریٹ کے دھوئیں میں موجود ٹھوس ذرات (کیمکلز) سے دل کی دھڑکن بے ترتیبی کا شکار ہو سکتی ہے۔
یہ تحقیق کرسٹینا لی براؤن انوائرمنٹ انسٹی ٹیوٹ میں کی گئی، جس میں کہا گیا ہے کہ ای سگریٹ کے کیمیکل والے دھوئیں سے جانوروں میں دل کی دھڑکن میں واضح بے قاعدگی پائی گئی۔
محققین کا کہنا ہے کہ ای سگریٹس میں جو ’ای لیکوئڈز‘ شامل ہیں، ان میں موجود کیمیائی مادوں کے ساتھ قلیل مدتی رابطہ بھی لوگوں کے دل کی دھڑکن کو غیر مستحکم کر سکتا ہے۔
انہوں نے کہا کہ ای سگریٹ سے کیمیکلز کے ذرات کو منتقل کرنے والا دھواں خارج ہوتا ہے، یہ دل کے برقی ترسیل میں خلل ڈال سکتا ہے، اس ناقص سگنلگ کی وجہ سے دل کی دھڑکن بے ترتیب ہو جاتی ہے۔
محققین کا کہنا ہے کہ ای سگریٹ پینے سے دل کی شریان اور اس کا نچلا خانہ متاثر ہو جاتا ہے جس کی وجہ سے دو بڑے مسائل پیدا ہوتے ہیں۔
ایک یہ کہ دل کی دھڑکن بہت تیز ہو جاتی ہے یا پھر بہت سست ہو جاتی ہے اور اس دوران اچانک دل بند بھی ہو سکتا ہے۔
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News