ماہرین صحت کا کہنا ہے کہ ویپنگ کرنے والے سگریٹ نوشی کو ترک نہیں کر پاتے بلکہ وہ ویپنگ کرنا چھوڑ دیتے ہیں۔
حال ہی میں کی گئی ایک تحقیق سے یہ بات سامنے آئی ہے کہ ویپنگ سگریٹ نوشی ترک کرنے میں لوگوں کے لیے مددگار ثابت نہیں ہوتی۔ جبکہ صارفین کے لیے روایتی تمباکو کی نسبت ای-سگریٹ کو ترک کرنا زیادہ آسان ہوتا ہے۔
تحقیق میں 545 ایسے افراد کا ڈیٹا شامل کیا گیا جو مستقل بنیادوں پر روایتی سگریٹ نوشی اور ویپنگ کیا کرتے تھے۔
یہ بھی پڑھیں؛ سگریٹ نوشی چھوڑنے کے ایک ماہ بعد صحت میں کونسی تبدیلیاں آتی ہیں؟ جانیے
پانچ سال بعد جب جائزہ لیا گیا تو معلوم ہوا کہ نصف سے زیادہ افراد نے برقی سگریٹ پینا چھوڑ دی جبکہ صرف ایک تہائی افراد نے تمباکو نوشی ترک کی۔
تحقیق سے یہ بات سامنے آئی کہ جو لوگ ویپنگ اور سگریٹ دونوں کا استعمال کرتے ہیں وہ طویل عرصے تک سگریٹ نوشی جاری رکھتے ہیں۔
تمباکو نوشی ترک کرنے میں مددگار کھیل اور ایپ
سگریٹ نوشی کے عادی افراد کو بری لت سےآزاد کرانے والا ایک گیم بنایا گیا ہے جو رقم کی ترغیب سے لوگوں کی مدد کرتا ہے اور اسی سے وابستہ ایک ایپ بھی تیار کی گئی ہے۔
یہ بھی پڑھیں؛ سگریٹ نوشی کے بعد نیکوٹین کے اخراج میں مدد گار غذائیں
امریکی شہر مینی پولس میں واقع ہینی پِن ہیلتھ کیئر نے اس گیم کی آزمائش شروع کردی ہے۔ گیم کا نام ’کوائٹ بیٹ‘ جسے ہم سگریٹ چھوڑے کی شرط کہہ سکتے ہیں۔
گیم کےمطابق سگریٹ نوشی کے عادی افراد خود سے سگریٹ چھوڑنے کی شرط لگاتے ہیں اور کہتے ہیں کہ وہ چار ہفتے تک سگریٹ نہیں پیئیں گے، یہ تیس ڈالر آن لائن موجود ایک مجازی پیالے یا کاسے میں چلے جاتے ہیں۔ اس کے بعد شریک کھلاڑیوں کو سانس میں تمباکو نوشی کے اجزا معلوم کرنے والا ایک آلہ مفت فراہم کیا جاتا ہے۔ یہ بریتھ ٹٰیسٹر فوری طور پرسانس کی بدولت تمباکو نوشی کو پکڑ لیتا ہے۔
اس طرح سگریٹ چھوڑنے والی کی روزانہ کیفیت ایپ کی بدولت ڈاکٹروں کو ملتی رہتی ہے۔ چار ہفتے بعد سگریٹ نوش افراد کو نہ صرف انعام ملتا ہے بلکہ تیس ڈالر کی دوگنی رقم بطور انعام دی جاتی ہے۔ اس میں مقابلے کا رحجان ہوتا ہے اور آپ کے سماجی دوست بھی شامل ہوتے ہیں جو آپ کو سگریٹ ترک کرنے کی ترغیب دیتے رہتے ہیں۔
اس گیم اور ایپ کی مزید آزمائش کے لیے گیارہ لاکھ ڈالر کی رقم مختص کی گئی ہے۔ ابتدائی آزمائش میں اس کے بہترین نتائج برآمد ہوتے ہیں
مزید پڑھیں
Catch all the Business News, Breaking News Event and Latest News Updates on The BOL News
Download The BOL News App to get the Daily News Update & Live News