اگر آپ بستر پر لیٹتے ہی فوراً سونا چاہتے ہیں تو یہ طریقہ ضرور آزمائیں۔

ماضی میں کی گئی ایک تحقیق کے مطابق آپ کے ٹھنڈے پیر آپ کو رات بھر بیدار رکھ سکتے ہیں۔

جی ہاں، بستر پر جرابیں پہن کر سونے کے لیے لیٹنے سے نیند جلد آتی ہے اور نیند کا دورانیہ بھی زیادہ وقت تک برقرار رہتا ہے جبکہ نیند کے دوران اٹھنے کا امکان بھی کم ہوتا ہے۔

صبح سے رات تک ہمارے جسم کا درجہ حرارت جسمانی گھڑی کے مطابق بڑھتا اور گھٹتا رہتا ہے۔

ہمارا جسم صبح سب سے زیادہ گرم ہوتا ہے جبکہ سہ پہر 4 بجے سے رات 8 بجے کے دوران جب تھکاوٹ کا احساس طاری ہوتا ہے تو جسمانی درجہ حرارت کم ہونے لگتا ہے جس سے جسم کو معلوم ہوتا ہے کہ سونے کا وقت ہوگیا ہے۔

جسم کا کم درجہ حرارت اچھی نیند کے حصول میں مدد فراہم کرتا ہے۔

تاہم جب جسم کو احساس ہوتا ہے کہ پیر ٹھنڈے ہیں تو وہ اس کی روک تھام کے لیے جسمانی درجہ حرارت میں اضافہ کرنے کی کوشش کرتا ہے جس سے گرمی کا احساس بڑھتا ہے اور نیند کے حصول میں مشکل محسوس ہوتی ہے۔

اس کے مقابلے میں رات کو سوتے وقت جرابیں پہننے سے پیر گرم ہوتے ہیں جس سے خون کی شریانیں پھیل جاتی ہیں۔

اس عمل سے جسم کی حرارت جِلد کے ذریعے خارج ہوتی ہے جس سے مجموعی جسمانی درجہ حرارت کم ہو جاتا ہے اور لیٹنے کے کچھ دیر بعد آپ کے لیے گہری نیند کا حصول ممکن ہو جاتا ہے۔

اس عادت سے جلد سونے میں ہی مدد ملتی ہے۔