ویسے تو کون ہے جسے انگور کھانا پسند نہیں ہوگا؟ مگر یہ پھل صرف لذیذ ہی نہیں بلکہ صحت کے لیے انتہائی مفید بھی ہے۔

تو آئیے آپکو انگور کھانے سے جسم کو ہونے والے کچھ فوائد بتاتے ہیں۔

انگور کی کئی اقسام پائی جاتی ہیں جن میں سُرخ انگور، کالا انگور، پیلا، گلابی اور سبز انگور وغیرہ شامل ہیں۔

جوڑوں کے لیے بہترین

انگور کو کھانے کی عادت گھٹنوں کے جوڑ کی تکلیف سے ریلیف میں مدد دیتا ہے۔

اس میں موجود اینٹی آکسائیڈنٹس جوڑوں کی لچک اور حرکت کو بہتر کرتے ہیں۔

دماغی صحت بہتر کرے

انگور کھانے کی عادت دماغی تنزلی کا خطرہ کم کرنے میں مددگار ثابت ہوتی ہے، انگور کھانے سے ان اثرات سے تحفظ میں مدد ملتی ہے جو کہ الزائمر امراض سے جڑے ہوتے ہیں۔

ذیابطیس کو فائدہ دیتا ہے

انگور اگرچہ بہت زیادہ میٹھا ہوتا ہے لیکن اس کا گلیسمیک انڈیکس 53 ہے یعنی یہ کم گلیسمیک انڈیکس والے ایسے کھانوں میں شامل ہے جن میں موجود میٹھا اور کاربس خون میں شوگر لیول کو چینی کی طرح تیزی سے ہائی نہیں کرتے۔

انگور میں ایسے کمپاونڈ شامل ہیں جو بلڈ شوگر کو نارمل رکھنے میں مدد دیتے ہیں اور یہ جسم میں انسولین کی حساسیت میں اضافہ کرتا ہے۔

آنکھوں کے لیے مفید

انگور کھانے کی عادت آنکھوں کی صحت کو بہتر کرتی ہے، انگور کھانے سے آنکھوں کے قرینے میں نقصان دہ مالیکیولز کے اخراج کا خطرہ کم ہوتا ہے۔

یہ پھل ڈی این اے کو نقصان سے بچا کر صحت مند خلیات کو تحفظ فراہم کرتا ہے جس سے بینائی کو فائدہ ہوتا ہے۔

بڑھاپا جلدی نہیں آنے دیتا

انگور کھانے سے آپ کی جلد تر و تازہ اور تندرست رہتی ہے۔

یہ بڑھاپے سے پیدا ہونے والے اثرات کو سُست کر دیتا ہے اور جوانی کو لمبے عرصے تک قائم رکھنے میں مدد دیتا ہے۔

اینٹی آکسائیڈنٹس سے بھرپور

انگور اینٹی آکسائیڈنٹس سے بھرپور پھل ہے جیسے کیروٹین، پولی فینولز اور دیگر  مختلف طبی تحقیقی رپورٹس کے مطابق یہ اینٹی آکسائیڈنٹس دل کی صحت کو مستحکم رکھنے کے ساتھ مخصوص اقسام کے کینسر کا خطرہ کم کرتے ہیں۔

انگور جسم میں گردش کرنے والے مضر ذرات کو اکھٹا ہونے سے روکتا ہے جس سے خون کی شریانوں کی صحت بہتر ہوتی ہے، دوران خون بہتر اور بلڈ پریشر کی سطح کم ہوتی ہے۔

ورم کش خصوصیات پائی جاتی ہے

انگور میں ایسے انزائمر موجود ہوتے ہیں جو کہ جسم میں ورم پر قابو پانے میں مدد دیتے ہیں، جس سے شریانوں، دل اور دیگر اعضاء کو فائدہ پہنچتا ہے۔

اگر آپ حالاتِ حاضرہ سے باخبر رہنا چاہتے ہیں تو ہمارے فیس بک پیج https://www.bolnews.com/urdu/health/2023/07/559784/amp/ کو لائک کریں

ٹوئٹر پر ہمیں فولو کریں https://www.bolnews.com/urdu/health/2023/07/559784/amp/ اور حالات سے باخبر رہیں

پاکستان سمیت دنیا بھر سے خبریں دیکھنے کے لیے ہمارے کو سبسکرائب کریں   اور بیل آئیکن پر کلک کریں