صاف ستھرا اور روشن گھر آپ کو پرسکون اور صحت مند رکھنے میں اہم کردار ادا کرتا ہے، یہی وجہ ہے کہ گھر میں مصنوعی روشنی کا انتخاب دیکھ بھال کر کرنا چاہیے۔

اگر بہترروشنی کا انتخاب نہ کیا جائے تو یہ آپ کی جسمانی اور ذہنی صحت پر مثبت یا منفی اثرات مرتب کر سکتی ہے۔ موجودہ دور میں مختلف مطالعات سے یہ بات سامنے آئی ہے کہ روشنی کی اقسام کا براہ راست تعلق ہمارے موڈ، نیند کے معیار، اور مجموعی صحت سے ہوتا ہے۔

فی زمانہ دنیا بھر میں جس لائٹ کو کثرت استعمال کیا جارہا ہے وہ ایل ای ڈی لاٹس ہے اس کی ایک وجہ تو توانائی کی بچت ہے جبکہ دوسری وجہ اس کی تیز دودھیا روشنی ہے، کیا ایل ای ڈی روشنی توانائی کی بچت کے ساتھ  صحت کے لیے بھی مفید ہے؟

ماہرین کا کہنا ہے کہ ایل ای ڈی روشنی آج کل توانائی کی بچت کے لحاظ سے مقبول ہے، تاہم مختلف مطالعات سے یہ بات سامنے آئی ہے کہ ایل ای ڈی لائٹس، جو مختلف رنگوں میں دستیاب ہوتی ہیں، اگر انہیں درست طریقے سے منتخب کیا جائے تو یہ آنکھوں پر نرم اثر ڈالتی ہیں  البتہ، یہ ضروری ہے کہ رات کے وقت کم شدت کی ایل ای ڈی لائٹس کا استعمال کیا جائے تاکہ نیند متاثر نہ ہو۔