ایک منفرد تحقیق سے یہ بات سامنے آئی ہے کہ سوشل میڈیا سے ایک ہفتے کیلئے دوری ذہنی صحت کے لیے مفید ہے۔

فی زمانہ سوشل میڈیا ایک ایسا پلیٹ فارم بن گیا جس سے آپ اپنوں سمیت دنیا بھر سے جڑے رہتے ہیں اور یہ آپ کی زندگی کے تمام ہی پہلو پر اثر انداز ہوتا ہے، جہاں دوستی، عالمی خبریں، اور ہرطرح کا دباؤ، ایک ہی اسکرین پر دکھائی دیتا ہے۔

یہ بھی پڑھیں: بچوں کی ذہنی صحت میں مددگار 6 بہترین سرگرمیاں

لیکن ایک نئی تحقیق کے مطابق سے صرف ایک ہفتے کے لیے سوشل میڈیا سے دور رہنا اضطراب، ڈپریشن، اور نیند سے جڑے مسائل کم کرنے میں مددگار ثابت ہو سکتا ہے۔

 ذہنی صحت پر سوشل میڈیا کا اثر دیکھنے کے لیے ایک تحقیق کی گئی، جس میں 295 نوجوان جن کی عمر18 سے 24 سال تھی کو شامل کیا گیا۔

 تمام شرکاء کو ایک ہفتے کے لیے سوشل میڈیا استعمال نہ کرنے کے لیے کہا گیا جبکہ اس کے عوض انہیں 150 دیے گئے۔

مطالعے کے دوران تمام نوجوانوں نے روزانہ  اپنے سوشل میڈیا پر محض 30 منٹ صرف کیے جبکہ اس سے قبل ان کا اوسط اسکرین ٹائم تقریباً دو گھنٹے روزانہ تھا، ہفتے کے اختتام پر، تمام شرکاء نے ذہنی صحت کے بارے میں سروے مکمل کیے، تحقیق کے نتائج حیران کن تھے۔

تمام ہی شرکاء نے اضطراب کی علامات میں 16.1 فیصد، ڈپریشن میں 24.8 فیصد جبکہ نیند کی کمی کی علامات میں 14.5 کمی نوٹ کی۔

تحقیق میں یہ بھی دیکھا گیا کہ ایسے افراد جنہیں پہلے سے شدید ڈپریشن تھا، ان میں سب سے زیادہ بہتری آئی۔ تاہم، شرکاء نے تنہائی کے حوالے کسی قسم کی تبدیلی یا بہتری کی اطلاع نہیں دی۔

ڈاکٹر جان ٹوروس، جو ہارورڈ میڈیکل اسکول کے نفسیات کے اسسٹنٹ پروفیسر ہیں، نے کہا کہ سوشل میڈیا کے دوانیے کو کم کرنا ذہنی صحت کا واحد حل یا علاج نہیں ہے، اگر آپ کو کوئی ذہنی عارضہ ہے اور پہلے سے علاج کروا رہے ہیں، تو سوشل میڈیا کا استعمال کم کرنا فائدہ مند ثابت ہو سکتا ہے۔
ماہرین کا کہنا ہے کہ اس تحقیق کے نتائج سب کے لیے یکساں نہیں ہیں۔ کچھ افراد میں بہتری آئی، جبکہ دیگر نے کسی قسم کی کوئی تبدیلی محسوس نہیں کی۔

یہ تحقیق ایک رینڈم ٹرائل نہیں تھی، بلکہ لوگوں نے رضاکارانہ طور پر اس میں حصہ لیا، جس کی وجہ سے کچھ افراد نے پہلے سے توقع کی تھی کہ نتائج اچھے آئیں گے، اس کے باوجود، ماہرین یہ تسلیم کرتے ہیں کہ سوشل میڈیا سے وقفہ لینا ایک آسان، سادہ اور مفت حل ہے جس سے نوجوان فوری طور ذہنی صحت میں بہتری محسوس کر سکتے ہیں۔