امریکی انجینئرز نے ایک ایسا آلہ ایجاد کرلیا ہے جو صرف پانچ سیکنڈ میں بلڈ پریشر معلوم کرسکتا ہے۔
اس آلے کو ائجاد کرنے والے ماہرین کے مطابق مختصر ترین وقت میں بلڈ پریشر معلوم کرنے والے اس آلے اسے مستقبل میں دھڑکنوں کی رفتار اور خون میں آکسیجن کی مقدار بھی معلوم ہو سکے گی۔
جدید ٹیکنالوجی کا استعمال کر کے ایجاد کردہ یہ آلہ کسی اسٹیپلر مشین جتنا چھوٹا سا ہے اور یہ صرف پانچ سیکنڈز میں بلڈ پریشر معلوم کر سکتا ہے۔
تاہم یونیورسٹی آف مسوری کے ماہرین کی یہ ایجاد پروٹوٹائپ مرحلے پر ہے جسے اب تک 26 افراد پر آزمایا جاچکا ہے۔
اس جدید بلڈ پریشر مشین کو ایجاد کرنے والے ماہرین کا کہنا ہے کہ بڑے پیمانے پر تیاری کی صورت میں اس آلے کی کارکردگی بہتر بنا کر تقریباً اتنی ہی کر دی جائے گی کہ جتنی مروجہ بلڈ پریشر میٹرز کی ہوتی ہے۔
اس مختصر سی مشین سے بلڈپریشر معلوم کرنے کے لئے بلڈ پریشر معلوم کرنے کے لیے اس آلے کو کسی کلپ کی طرح انگلی پر چڑھا دیا جاتا ہے۔
اور اسے انگلی پر جڑھاتے ہی صرف پانچ سیکنڈ کے مختصر وقت میں بلڈ پریشر معلوم ہو جائے گا۔
ریسرچ جرنل ’’آئی ٹرپل ای ایکسپلور‘‘ کی جانب سے شائع کردہ تازہ شمارے میں یہ آلہ ایجاد کرنے والے ماہرین کی ٹیم نے اُمید ظاہر کی ہے کہ کم سے کم وقت میں بلڈ پریشر معلوم کرنے کے علاوہ مستقبل میں یہ آلہ دھڑکنوں کی رفتار کے علاوہ خون میں آکسیجن کی مقدار، جسمانی درجہ حرارت اور سانس لینے کی شرح بھی بتا سکے گا۔
یعنی مستقبل میں یہ آلہ بلڈ پریشر کے علاوہ بھی انسانی صحت کی کئی کیفیات کو کم سے کم جیسے پانچ سیکنڈز میں فوری طور پر معلوم کرنے کے لئے استعمال کیا جاسکتا ہے۔
