مسلسل شکستوں کے بعد بھی لایور قلندرز کا پلے آف میں کوالیفائی کرنے کا امکان باقی ہے۔

پاکستان سپر لیگ (پی ایس ایل) سیزن 9 میں مسلسل شکستوں سے دوچار دفاعی چیمپئن لاہور قلندرز کا اب بھی پلے آف میں کوالیفائی کرنے کا امکان باقی ہے۔

لاہور قلندرز اب تک ایونٹس میں 5 میچز کھیل چکی ہے جس میں انہیں مسلسل شکستوں کو سامنا کرنا پڑا ہے جب کہ پوائنٹس ٹیبل پر بھی وہ بغیر کسی پوائنٹ کے سب سے نیچے ہے۔

تاہم لاہور کے اب بھی پانچ میچز باقی ہیں اور پلے آف میں کوالیفائی کرنے کے لیے انہیں بقیہ تمام میچز جیتنے ضرروی ہیں۔

اگر لاہور قلندرز اپنے بقیہ تمام میچز جیت جاتی ہے تو 10 پوائنٹس کے ساتھ وہ پلے آف میں کوالیفائی کرسکتی ہے۔

واضح رہے کہ لاہور قلندرز کا اگلا میچ ملتان سلطانز کے خلاف ہوگا جو منگل کو لاہور کے قذافی اسٹیڈیم میں شام 7 بجے کھیلا جائے گا۔