یونیسکو کی جانب سے خضداراسکول بس پر دہشتگرد حملے کی شدیدمذمت کی گئی ہے۔ یونیسکو کی اسسٹنٹ ڈائریکٹر جنرل برائے تعلیم،اسٹیفنیا گیانی کا کہنا ہے تعلیمی اداروں، اساتذہ اورطلباپرہونے والے تمام حملے ناقابلِ قبول ہیں۔
انہوں نے کہاکہ ہم خضدارمیں اسکول بس پر دہشت گرد حملے کی شدید مذمت کرتے ہیں،کسی بھی بچے کیلیے اسکول جانا خطرے کا باعث نہیں ہونا چاہیے۔
ان کا کہناتھاکہ بدقسمتی سے آج بھی دنیا کے کئی حصوں میں تعلیم کو نشانہ بنایا جا رہا ہے ،یہ عمل فوری طور پر بند ہونا چاہیے۔
سٹیفنیا گیانی نے کہاکہ یونیسکو تعلیم کو ایک بنیادی انسانی حق اور پائیدار ترقی کے لیے کلیدی عنصر سمجھتا ہے اور ہر بچے کے محفوظ تعلیمی ماحول کا حامی ہے۔
