بول نیوز اینکر مرید عباس قتل کیس میں پراسیکیوٹر نے مقدمے میں دہشتگردی کی دفعات شامل کرنے کی منظوری دیدی۔

تفصیلات کے مطابق کراچی کی مقامی عدالت میں بول نیوز کے اینکرپرسن مرید عباس اور خضر حیات کے قتل کیس کی سماعت ہوئی ملزم عاطف زمان کو بھی تاحال پیشی پر نہیں لایا گیا۔

عدالت کو بتایا گیا کہ قتل میں استعمال ہونے والے اسلحہ اور فائر کی گئی گولیوں کے خول میچ کرگئے جس پرعدالت نے مقدمے کا پراسیکیوشن کو چالان جمع کرانے کی ہدایت کردی۔

واضح رہے کہ 9 جولائی کو کراچی کے علاقے ڈیفنس میں پیسوں کے لین دین کے تنازع پر ملزم عاطف زمان نے بول نیوز کے اینکرمرید عباس اوران کے دوست کو فائرنگ کر کے قتل کر دیا تھا۔

یاد رہے کہ 5 اگست کو اینکر مرید عباس قتل کیس میں ان کی اہلیہ اور سول سوسائٹی نے کا پریس کلب کے باہرمظاہرہ میں ملزم عاطف زمان کو پھانسی دینے کا مطالبہ کردیاتھا۔ مظاہرین نے پریس کلب کے با ہر ملزم عاطف زمان کو پھانسی دو کے نعرے بھی لگائے تھے ۔